TOShKENT, 23 apr — Sputnik. Turkiya Tashqi ishlar vaziri Mavlud Chovusho‘g‘li 25-aprel kuni rasmiy tashrif bilan O‘zbekistonga keladi, deb xabar qilmoqda O‘zbekiston Tashqi ishlar vazirligi.
Tashrif doirasida Turkiya vazirining O‘zbekiston prezidenti Shavkat Mirziyoyev bilan uchrashuvi rejalashtirilgan.
Xabarda aytilishiga ko‘ra, tashrif davomida Turkiya delegatsiyasi O‘zbekiston Oliy Majlisi Senati, Tashqi ishlar va Tashqi savdo vazirliklarida ham muzokaralar o‘tkazishi belgilangan.
