Jamiyat

GM Uzbekistan imtiyozli sertifikatlar bilan bogʻliq mish-mishlar boʻyicha bayonot berdi

© toshkent.uzVrucheniye klyuchey ot mashinы veteranu
Vrucheniye klyuchey ot mashinы veteranu - Sputnik Oʻzbekiston
"JiEm Oʻzbekiston" AJ va uning jamoasi faxriylarga hurmat bilan qaraydi, ularning qahramonliklarini eʼzozlaydi va shu bois bu mavzudagi turli oʻyinlar yoki ikki yoqlama yondashuvlarga befarq qarab turolmaydi

TOSHKENT, 26 apr — Sputnik. GM Uzbekistan kompaniyasi axborot xizmati keyingi kunlarda urush faxriylariga yengil avtomobillarni bir martalik navbatsiz shartnomaviy buyurtma berish orqali xarid qilish boʻyicha imtiyozli sertifikatlar berilishi bilan bogʻliq vaziyat buzib koʻrsatilayotganini maʼlum qildi.

"Keyingi kunlarda bir qator OAV (xorijda joylashgan)da 1941-1945 yillardagi urush qatnashchilariga yengil avtomobillarni bir martalik navbatsiz shartnomaviy buyurtma berish orqali xarid qilish boʻyicha imtiyozli sertifikatlar berilishi bilan bogʻliq vaziyat buzib koʻrsatilmoqda. Bundan tashqari, "Feysbuk" tarmogʻining oʻzbek tilidagi keng tarqalgan hamjamiyatlarida postlar koʻrinishida shu mazmundagi xabarlar joylanmoqda", deyiladi axborot xizmati tomonidan.

Jamiyat
Urush veteranlari navbatsiz mashina oladi

Kompaniya bunday yolgʻon, butkul buzib talqin qilinayotgan xabarlar tarqalishining oldini olish maqsadida quyidagilarni maʼlum qildi.

Imtiyozli sertifikatlarni taqdim etish aktsiyasi Oʻzbekiston prezidenti Shavkat Mirziyoyevning 2017 yil 4 apreldagi "Xotira va qadrlash kuniga tayyorgarlik koʻrish va uni oʻtkazish chora-tadbirlari toʻgʻrisida"gi farmoni ijrosini taʼminlash maqsadida oʻtkazilmoqda.

Hukumat qarorini bajarish doirasida Oʻzbekiston Mudofaa vazirligi va Byudjetdan tashqari pensiya jamgʻarmasi tomonidan taqdim etilgan hududlar taqsimoti boʻyicha roʻyxat asosida 1631 dona ism-sharifli sertifikat tayyorlangan.

"JiEm Oʻzbekiston" dilerlik korxonalari tomonidan davlat boshqaruv organlari, mudofaa ishlari boʻlimlari, "Nuroniy" jamgʻarmasi va boshqa jamoatchilik tashkilotlari vakillari bilan hamkorlikda 1941-1945 yillardagi urush qatnashchilariga sertifikatlarni ularning yashash manzillarida topshirilmoqda.

Ikkinchi jahon urushi qatnashchilariga avtomobillar tantanali topshirilmoqda - Sputnik Oʻzbekiston
Ikkinchi jahon urushi qatnashchilariga avtomobillar tantanali ravishda topshirildi

Matbuot xizmatining maʼlum qilishicha, sertifikatning amal qilish muddati 2017 yilning 31 dekabrigacha boʻlib, sertifikat egasi 2017 yilning oʻziga qulay vaqtida respublikada ishlab chiqarilgan oʻzi istagan modeldagi yengil avtomobilni navbatsiz xarid qilish uchun dilerlik korxonasiga murojaat qilishi mumkin. Ushbu sertifikatdan nafaqat faxriylar, balki ularning oila aʼzolari va vasiylari ham foydalanishlari mumkin.

Shu vaqtga qadar hali biror marta ham shartnoma tuzish yoki avtomobilni yetkazib berish muddati choʻzilgan holat qayd etilmadi.

"Shu tarzda, bunday koʻrinishdagi sunʼiy ravishda oʻylab topilgan soxta shov-shuvlar va ijtimoiy tarmoqlardagi ayrim foydalanuvchilar tomonidan "gʻazabli post" shaklida tarqatilayotgan xabarlar (qasddan, yoki masalaning mohiyatini tushunmay yo boʻlmasa bexabarlik sababli) mutlaqo yolgʻon va haqiqatga mos kelmaydi.

"JiEm Oʻzbekiston" AJ va uning jamoasi faxriylarga hurmat bilan qaraydi, ularning qahramonliklarini eʼzozlaydi va shu bois bu mavzudagi turli oʻyinlar yoki ikki yoqlama yondashuvlarga befarq qarab turolmaydi.

Mazkur aktsiyaning borishini biror-bir usulda buzib koʻrsatishga urinish, uni haqiqatga toʻgʻri kelmaydigan tarzda izohlash kabi harakatlarni uydirma, yolgʻon axborot tarqatish va jamiyatni qasddan chalgʻitish deb bilamiz. Oʻz navbatida bu holatni kompaniyamiz va uning koʻpming kishilik jamoasining qadri va gʻururiga nisbatan tajovuz deb baholaymiz.

Suratda 1925 yilda tugʻilgan Ikkinchi jahon urushi qatnashchisi Anvar Hakimov - Sputnik Oʻzbekiston
Jamiyat
Fargʻonada veteranlarga navbatsiz mashina xarid qilish sertifikatlari topshirildi

Shu bois adolat va oshkoralik uchun kurashmoqdamiz deya oʻzlarini "adolat tarafdorlari" eʼlon qilganlar, oʻzlarini "sariq matbuot" emas, oʻz ishining ustasi deb hisoblaydigan "qalam nahanglari"ga ushbu mavzuda yozish yoki izoh qoldirishdan oldin yaxshilab oʻylashni maslahat beramiz.

Agarda kimdir aktsiya amalga oshirilishi jarayonida biz yoki dilerlik korxonalari tomonidan qonunbuzilishlari holatlariga duch kelgan, bu borada aniq maʼlumotga ega boʻlsa ushbu maʼlumotlarni anonim emas, oshkora tarzda, turli kamsitish va haqoratlarsiz taqdim etishini soʻraymiz. Biz bunday faktlarni jiddiy tarzda, masʼuliyat va oshkoralik bilan koʻrib chiqilishini taʼminlaymiz.

Ushbu mavzudagi turli fitnalarni bas qilishni va arzon "piar" uchun faxriylar mavzusidan foydalanmaslikni soʻraymiz", deyiladi kompaniya bayonotida.

Bizning Telegramdagi oʻzbekcha kanalimizga obuna boʻling va eng yangi xabarlarni birinchi boʻlib oʻqing.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala