TOShKENT, 2-may — Sputnik. O‘zbekiston Ichki ishlar vazirligi ichki vazifalar qo‘shinlari 1-maydan boshlab yana tuzilma tarkibiga qaytarildi. Bu haqda bugun bo‘lib o‘tgan brifing anjumanida O‘zbekiston Ichki ishlar vaziri Abdusalom Azizov ma’lum qildi.
"1 maydan boshlab mazkur qo‘shin turi to‘liq Ichki ishlar vazirligiga bo‘ysundirildi. Men kuni kecha bir qator batalonlarga bordim, ular har qanday tahdidlarni qaytarishga tayyor holatda. Biz ular kelgusida maxsus tayyorgarlikdan o‘tishlari uchun faol ishlarni amalga oshiramiz. Bizda har qanday tajovuzkorlikni qaytarishga kuchimiz va vositalarimiz yetarli. Shu kunlarda biz ushbu qo‘shinlar tarkibida eski sinalgan jangchilardan kimlar qolganini tahlil qildik, kimlar o‘z tajribasini yoshlarga o‘rgatishi mumkinligini o‘rgandik. Ularning hammasini yangi ishga jalb qilamiz", — deya ta’kidladi Azizov.
Ushbu hujjat "Bars" maxsus otradi taqdirini hal qiladi.
"Bars" maxsus otradi 2009-yilda Andijon voqealaridan so‘ng tarqatib yuborilgan.
Ammo, vazir, "Bars" asosida qandaydir bo‘linma tashkil etilishi yoki umuman yangi maxsus otrad yaratilishi rejalashtirilganligi haqida ma’lumot bermadi.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
