Muhabbat xalifatga yetakladi: FBR xodimasi "ID" jangarisiga turmushga chiqdi

TOShKENT, 2-may — Sputnik. AQSh Federal tergov burosi (FBR) xodimasi 2014-yilda "Islom davlati" jangarisiga turmushga chiqqan edi. So‘z terrorchilik uyushmasining taniqli jangarisi, germaniyalik Denis Kaspert haqida ketmoqda. Bu haqda CNN telekanali xabar berdi.

Daniela Grin buroda tarjimon bo‘lib ishlagan, u buro rahbariyatini aldab, Suriyaga ketadi va u yerda terrorchini tergov tafsilotlari haqida ogohlantiradi.

Biroq, "xalifalik"dagi oilaviy hayot uzoq davom etmadi. Bir necha kundan so‘ng, ayol AQShga qaytdi va u yerda xibsga olindi.

"Daniela Grin sud tomonidan 2-yil qamoq jazo bilan jazolangan. Ozodlikka o‘tgan yilning yozida chiqqan edi" — deb aniqlik kiritadi CNN.

Denis Kaspert haqida so‘z

Denis Kaspert 1975-yilda Berlinning Kroysberg tumanida (onasi — nemis, otasi — Ganalik) dunyoga kelgan. Otasi oilani tashlab ketgan. Bo‘lajak jangarini onasining yangi turmush urtog‘i, Amerika armiyasi zobiti tarbiya qiladi.

1995 yilda Kaspert rep yo‘nalishida Deso Dogg taxallusi ostida qo‘shiq aytishni boshlaydi. Ochiq ma’lumotlarga ko‘ra, 2010-yilda avtomobil halokati tufayli klinik o‘limini boshdan kechirgan. Shu yilning o‘zida islom dinini qabul qilib, shou-biznesdagi faoliyatini yakunlagan. Abu Malik nomi ostida nemislik "Millatu Ibrohim" salafiy tashkiloti faoliyatida ishtirok etgan.

Shundan so‘ng, u Misrga jo‘naydi va u yerdan Suriyaga o‘tadi. 2014-yilda Kaspert "Islom davlati" rahbariyatiga sodiqlik qasamini ichadi va uyushmaning targ‘ibot roliklarida faollik bilan tasvirga tusha boshlaydi.

Ekspertlar fikriga ko‘ra, sobiq repper "Islom davlati"da nemis tilida targ‘ibot o‘tkazish bo‘yicha eng ko‘zga ko‘ringan vakillardan biri bo‘lgan. 2015-yil fevral oyida AQSh davlat departamenti uni o‘ta xavfli xalqaro terrorchilar ro‘yxatiga kiritgan.

Amerika OAVlariga ko‘ra, 2015-yil oktabr oyida AQSh Harbiy Havo Kuchlari hujumi natijasida sobiq repper halok bo‘lgan. Bir qancha vaqtdan so‘ng, uning o‘limini  "Islom davlati" terrorchilik uyushmasi ham tasdiqlagan.

Eslatib o‘tamiz, "Islom davlati" uyushmasi targ‘ibotchilari Yevropa va AQSh ayollarini jalb qilishga faol harakat qilishmoqda. Ojizalar, asosan terrorchilarga xotin sifatida yollanadi. Terrorchilardan qochishga erishgan ko‘plab ayollar, "Islom davlati"da ayollarni qullikka olish avj olganligini tasdiqlamoqda. 2015-yilda Rossiyalik Varvara Karaulova "Islom davlati" terrorchilik uyushmasiga qo‘shilishga harakat qilgani bunga misol bo‘ladi. 4-iyunda Varvara Karaulova Turkiya-Suriya chegarasidagi Kilis shahrida qo‘lga olingan va Moskvaga qaytarilgan. Sud uni 4,5 yil koloniya jazosiga mahkum etgan.

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.