Tibbiyot sohasi ustidan portalga qancha xat kelib tushgani aytildi

© flikr.comVrach
Vrach - Sputnik O‘zbekiston
Obuna bo‘lish
Milliy matbuot markazida O‘zbekiston Respublikasi Prezidentining Virtual qabulxonasiga mamlakatimiz sog‘liqni saqlash sohasi bo‘yicha kelib tushayotgan murojaatlar tahliliga bag‘ishlangan matbuot anjumani bo‘lib o‘tdi

TOShKENT, 3-may — Sputnik. O‘zbekiston Sog‘liqni saqlash vazirligi tomonidan tashkil etilgan tadbirda vazirlikning mas’ul xodimlari, Respublika ixtisoslashtirilgan ilmiy-amaliy tibbiyot markazlari olimlari, Toshkent shahar sog‘liqni saqlash bosh boshqarmasi va tuman tibbiyot birlashmalari rahbarlari va mutaxassislari ishtirok etdi, deb xabar qildi "Jahon" AA.

Poliklinika - Sputnik O‘zbekiston
Rahmonbek Usmonov sog‘liqni saqlash tizimidagi 17 rahbarni ishdan bo‘shatdi
Ta’kidlanishicha, Shavkat Mirziyoyevning Virtual qabulxonasiga 2017-yil 1-mayga qadar tibbiyot sohasiga taalluqli 25 mingga yaqin murojaat tushgan. Ular o‘rganilganda, ba’zilar salomatligini yaxshilash uchun tibbiy ko‘mak so‘ragan, ayrimlar tibbiyot xodimlarining muomala madaniyatidan ranjib shikoyat yo‘llagan.

Mehnat va bandlik, moddiy yordam, dori-darmon narxi, tibbiy ta’lim masalalari, nogironlik guruhini belgilash, nafaqa, protez, texnika vositalari so‘rab qilingan murojaatlar Sog‘liqni saqlash vazirligi tomonidan alohida nazoratga olinib, ularning yechimini topish yuzasidan izchil ishlar olib borilmoqda. Natijada bugungi kungacha murojaatlarning 93 %i o‘z yechimini topgan, 6%i ko‘rib chiqilmoqda, 1%ining egasini aniqlash imkoni bo‘lmagani uchun anonim deb topilgan.

Bu chora-tadbirlar murojaatlarni belgilangan muddatda ko‘rib chiqish, samarali yechimini topish, aholi bilan muloqotni kuchaytirishga zamin yaratmoqda, deyiladi xabarda.

Bu boradagi ishlarni yanada kuchaytirish maqsadida sog‘liqni saqlash vazirining virtual qabulxonasi tashkil etilgani hamda doimiy faoliyat yuritadigan 1003 raqamli "ishonch telefoni" yo‘lga qo‘yilgani haqida eslatib o‘tilgan.

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.

Yangiliklar lentasi
0