Jamiyat

Prezident oliy taʼlim muassasalariga qabul qilish toʻgʻrisidagi qarorni imzoladi

© SputnikStudentы v auditorii v Tashkente
Studentы v auditorii v Tashkente - Sputnik Oʻzbekiston
Oʻzbekiston oliygohlariga bu yil 66 mingdan ortiq abituriyent talabalikka qabul qilinadi

TOSHKENT, 5 may — Sputnik. Oʻzbekiston prezidenti Shavkat Mirziyoyev "Oʻzbekiston Respublikasidagi oliy taʼlim muassasalariga 2017/2018 yilgi oʻquv mavsumiga qabul qilish toʻgʻrisida"gi qarorni imzoladi, deb xabar bermoqda "Jahon" AA.

Hujjatda aytilishicha, bu yilgi mavsumda umumiy hisobda 66 316 talaba, shulardan 18 194 nafari davlat granti va 48122 nafari toʻlov-kontrakt asosida oʻqishga qabul qilinadi.

Uzbekskiye studentы v posolstve RUz v Moskve - Sputnik Oʻzbekiston
Jamiyat
2021 yilgacha Oʻzbekiston oliygohlariga talabalar qabul qilish 18%ga oshiriladi

Magistraturaga 5 ming talabgor, shundan 1556 nafari davlat granti va 3444 nafari toʻlov-kontrakt asosida qabul qilinadi.

Toshkent axborot texnologiyalari universitetining maxsus sirtqi boʻlimlari bakalavriatiga 100 nafar talaba, undan 15 nafari davlat granti, 85 nafari toʻlov-kontrakt asosida, Navoiy davlat konchilik institutiga 90 talaba toʻlov-kontrakt asosida va Toshkent temir yoʻl transporti muhandislari institutiga 80 talaba toʻlov-kontrakt asosida qabul qilinadi.

Hujjatga koʻra, oliy taʼlim muassasalariga kirish uchun qoʻshimcha kvotalarni taʼlim muassasasining salohiyati va taʼlim yoʻnalishlaridan kelib chiqib Davlat komissiyasi belgilaydi.

Bizning Telegramdagi oʻzbekcha kanalimizga obuna boʻling va eng yangi xabarlarni birinchi boʻlib oʻqing.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala