Samarqand xotira tadbiriga alohida tayyorgarlik ko‘rdi

Obuna bo‘lish
Insoniyat tarixidagi eng dahshatli va qirg‘inbarot urush deya tilga olinadigan II jahon urushida Samarqanddan 160 ming nafardan ziyod o‘zbekistonliklar jon olib jon berdi. Ularning salkam 47 ming nafariga urushdan qaytish nasib etmadi

TOShKENT, 8-may — Sputnik. Samarqand viloyatida "Xotira va qadrlash kuni"ga alohida hozirlik ko‘rildi va ushbu sana o‘ziga xos tarzda keng nishonlandi, deb xabar qildi Samarqand hokimligi matbuot-xizmati.

© Samarqand viloyati hokimligi matbuot-xizmatiSamarqandda Xotira kuniga bag‘ishlangan tadbir
Samarqandda Xotira kuniga bag‘ishlangan tadbir - Sputnik O‘zbekiston
Samarqandda Xotira kuniga bag‘ishlangan tadbir

Ta’kidlanishicha, Urush va mehnat faxriylari dastlab viloyat markazidagi Ko‘ksaroy maydonida jamuljam bo‘lishgan. Shundan so‘ng marosim Samarqand shahridagi Xotira maydonida davom etgan.

© Samarqand viloyati hokimligi matbuot-xizmatiSamarqandda xotira tadbiri
Samarqandda xotira tadbiri - Sputnik O‘zbekiston
Samarqandda xotira tadbiri

Insoniyat tarixidagi eng dahshatli va qirg‘inbarot urush deya tilga olinadigan II jahon urushida Samarqanddan 160 ming nafardan ziyod o‘zbekistonliklar jon olib jon berdi. Ularning salkam 47 ming nafariga urushdan qaytish nasib etmadi.

Bayramona salyut - Sputnik O‘zbekiston
9 may Toshkentda bayramona salyutlar bilan nishonlanadi
"Ayni paytda hayot gashtini surayotgan 131 nafar II jahon urushi qatnashchilari hamda 6 yarim mingdan ziyod mehnat faxriylari bugungi minnatdor avlodlarning e’zoziyu-ehtiromida. Ular betimsol qahramonlik, Vatanga muhabbat, yurtga fidoyilik ramziga aylangan biz uchun", — deyilgan xabarda.

Shuningdek, sana munosabati bilan Mirziyoyev farmoniga asosan, viloyatda istiqomat kilayotgan II jahon urushi faxriylariga 2 million so‘mdan pul mukofoti topshirilgani, davlat rahbarining sovg‘alari ularning uylariga yetkazib berilgani ta’kidlangan.

Farg‘onada Xotira aksiyasi o‘tkazildi - Sputnik O‘zbekiston
Farg‘onada "Xotira" aksiyasi o‘tkazildi
"Shu kunga qadar 60 nafarga yaqin urush qatnashchilari avtomashina sohibiga aylandi. 6 nafar faxriyning uy-joyi salkam 100 million so‘mga yaqin mablag‘ sarflanib, ta’mirlab berildi", — deyiladi xabarda.

Sana munosabati bilan urush va mehnat faxriylari uchun bayram dasturxoni yozilgan. Nuroniylar bir piyola choy ustida dildan suhbat qurdilar. Ularga sovg‘a-salomlar ulashilgan.

Sana munosabati bilan o‘tkazilayotgan tadbirlar mahallalar, korxona va tashkilotlarda, ta’lim muassasalarida davom etmoqda.

© Samarqand viloyati hokimligi matbuot-xizmatiSamarqandda xotira tadbiri
Samarqandda xotira tadbiri - Sputnik O‘zbekiston
Samarqandda xotira tadbiri

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.

Yangiliklar lentasi
0