TOShKENT, 8-may — Sputnik. "Sen Yolg'iz Emassan" Fondining ko‘p yillik an’anasiga binoan xayriya tashkilotimiz xodimlari Mehribonlik uylari tarbiyalanuvchilari bilan birgalikda Ikkinchi jahon urushi qatnashchilarini yo‘qlab, ularni Xotira va qadrlash kuni bilan tabrikladilar, deb xabar qildi o‘zining Feysbukdagi sahifasida Lola Karimova-Tillayeva.
"Mazkur tadbir aziz otaxon va onaxonlarimizga cheksiz hurmat va ehtiromimizni izhor etish uchun yana bir imkoniyat.
Tashakkur sizlarga, aziz faxriylar!
Biz sizlarni doimo yodda tutamiz, hamda jasoratingiz oldida bosh egamiz", — deya o‘z minnatdorchiligini izhor qilgan Lola Karimova-Tillayeva.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
