Siyosat

Mirziyoyevning yangi qarori: aholini ish bilan taʼminlamagan hokim jarima toʻlaydi

© FacebookShavkat Mirziyoyev
Shavkat Mirziyoyev - Sputnik Oʻzbekiston
Obuna boʻlish
Yandex newsTelegram
Mirziyoyevning yangi qaroriga koʻra, aholi bandligi oʻsishining tasdiqlangan har chorak prognoz koʻrsatkichlari bajarilishini taʼminlagan taqdirda hokimlarga lavozim maoshlarining 15 %i miqdorida mukofot toʻlanadi, prognoz koʻrsatkichlari bajarilishi taʼminlanmagan taqdirda ularga maoshlarining 15 %i miqdorida jarima shaklida intizomiy jazo choralari qoʻllaniladi

TOSHKENT, 9 may — Sputnik. Shavkat Mirziyoyev "Aholi bandligini taʼminlash boʻyicha olib borilayotgan ishlar natijadorligi va samaradorligini oshirishda mahalliy ijro hokimiyati va iqtisodiy kompleksning hududiy organlari rahbarlarining shaxsiy masʼuliyatini oshirish chora-tadbirlari toʻgʻrisida"gi qarorni imzoladi, deb xabar qildi Oʻzbekiston TIV matbuot-xizmati.

Jamiyat
Hokimliklar xodimlarining oyliklariga ustama qoʻshiladi
Qayd etilishicha, qaror yangi ish oʻrinlarini tashkil etish, iqtisodiyot tarmoqlari korxonalari hamda tadbirkorlik subʼyektlari faoliyatini rivojlantirish va kengaytirishda ularga amaliy yordam koʻrsatish boʻyicha aniq yoʻnaltirilgan va tizimli ishlar olib borishda mahalliy ijro hokimiyati va iqtisodiy kompleks hududiy organlari rahbarlarining shaxsiy masʼuliyatini kuchaytirish, shu asosda band boʻlmagan aholini, ayniqsa, kasb-hunar kollejlari bitiruvchilarini ishga joylashtirish masalalarini hal qilish maqsadida qabul qilingan.

2017 yilning 1 iyulidan boshlab mahalliy ijro hokimiyati va iqtisodiy kompleksning hududiy organlari rahbarlarini aholi bandligini oshirish uchun moddiy ragʻbatlantirish va shaxsiy masʼuliyatini kuchaytirish tizimini joriy etilishi xabar qilingan.

"Qoraqalpogʻiston Respublikasi Vazirlar Kengashi raisi, viloyat, shahar va tumanlar hokimlari aholi bandligi oʻsishining tasdiqlangan har chorak prognoz koʻrsatkichlari (keyingi oʻrinlarda – prognoz koʻrsatkichlari) bajarilishini taʼminlagan taqdirda ularga lavozim maoshlarining 15 foizi miqdorida mukofot toʻlanadi, prognoz koʻrsatkichlari bajarilishi taʼminlanmagan taqdirda lavozim maoshlarining 15 foizi miqdorida jarima shaklida intizomiy jazo choralari qoʻllaniladi;

Podpisaniye dokumentov - Sputnik Oʻzbekiston
Jamiyat
Samarasiz ish olib borgan tumanlar hokimlari ishdan boʻshatiladi
Qoraqalpogʻiston Respublikasi Vazirlar Kengashi raisining, viloyat, shahar va tumanlar hokimlarining birinchi oʻrinbosarlariga, iqtisodiy kompleksning hududiy organlari rahbarlariga prognoz koʻrsatkichlari bajarilishi taʼminlangan taqdirda lavozim maoshlarining 20 foizi miqdorida mukofot toʻlanadi, prognoz koʻrsatkichlari bajarilishi taʼminlanmagan taqdirda lavozim maoshlarining 20 foizi miqdorida jarima solinadi", — deyilgan xabarda.

Lavozim maoshlaridan jarimalar undirish Qoraqalpogʻiston Respublikasi Vazirlar Kengashi raisi, viloyatlar va Toshkent shahri hokimlari hamda ularning birinchi oʻrinbosarlariga – Komissiyaning taqdimnomasi boʻyicha Vazirlar Mahkamasining qarori asosida; shahar va tuman hokimlari hamda ularning birinchi oʻrinbosarlariga – Qoraqalpogʻiston Respublikasi Vazirlar Kengashi raisi, viloyatlar va Toshkent shahri hokimlari qarorlari asosida va iqtisodiy kompleksning hududiy organlari rahbarlariga – iqtisodiy kompleksning respublika organlari rahbarlari qarorlari asosida amalga oshiriladi.

Shavkat Mirziyoyev posetil semeynuyu polikliniku v Yashnabade - Sputnik Oʻzbekiston
Jamiyat
Prezidentning kutilmagan tashrifidan soʻng bir amaldor ishdan boʻshatildi
Bundan tashqari, Qoraqalpogʻiston Respublikasi Vazirlar Kengashi raisi, viloyat, shahar va tumanlar hokimlari, ularning birinchi oʻrinbosarlari, iqtisodiy kompleksning hududiy organlari rahbarlari oʻz ish faoliyatida iqtisodiyot tarmoqlari korxonalari hamda tadbirkorlik subʼyektlariga ular faoliyatini rivojlantirish va kengaytirishga toʻsqinlik qilayotgan muammolarni, jumladan, joylarga chiqqan holda tizimli hal qilishda amaliy yordam koʻrsatish, shu asosda band boʻlmagan aholini, ayniqsa, kasb-hunar kollejlari bitiruvchilarini ishga joylashtirish masalalarini hal qilishga qatʼiy va soʻzsiz rioya etadi.

Qoraqalpogʻiston Respublikasi Vazirlar Kengashi raisi, viloyat, shahar va tumanlar hokimlari, ularning birinchi oʻrinbosarlari, shuningdek, iqtisodiy kompleksning hududiy organlari rahbarlari uzluksiz ikki chorak davomida yoki yil davomida uch chorakda prognoz koʻrsatkichlari bajarilmaganligi taqdirda ularning aholi bandligini taʼminlash borasidagi ishlari qoniqarsiz, deb topilishi va egallab turgan lavozimlariga noloyiqligi masalasi koʻrib chiqilishi haqida ogohlantiriladi.

Bizning Telegramdagi oʻzbekcha kanalimizga obuna boʻling va eng yangi xabarlarni birinchi boʻlib oʻqing.

Yangiliklar lentasi
0