Jamiyat

Oʻzbekiston raisligi yilida SHHTda nima ishlar qilindi?

© AFP / MARK RALSTONFlagi stran-uchastnits SHOS
Flagi stran-uchastnits SHOS - Sputnik Oʻzbekiston
Obuna boʻlish
NovostiTelegram
SHHT Forumi majlisida Oʻzbekiston, Qozogʻiston, Xitoy, Qirgʻiziston, Rossiya, Tojikiston, Hindiston, Pokiston, Eron, Afgʻoniston va Belarus ekspertlari, hamda diplomatik korpus vakillari ishtirok etmoqda.

TOSHKENT, 11 may – Sputnik. Ayni damda Toshkentda SHHT forumining XII majlisi boshlandi, deb xabar qilmoqda “Jahon” axborot agentligi.

2015-2016-yillarda Oʻzbekistonning tashkilotga raisligi davrida SHHT faoliyatining samaradorligi va xalqaro nufuzini oshirish borasida keng koʻlamli ishlar bajarilgani taʼkidlandi.

Xususan, Oʻzbekiston raislik davrida muhim hujjat – SHHTning 15-yillik faoliyati yakunlari va istiqbolda uni rivojlantirishning ustuvor yoʻnalishlari aks ettirilgan “Toshkent deklaratsiyasi” qabul qilindi.

Ikkinchidan, mintaqaning ikki yirik davlati — Hindiston va  Pokistonni qoʻshib olish borasida muhim qadamlar qoʻyildi. Xususan, ushbu ikki mamlakat SHHTga aʼzo boʻlishi uchun bajarilishi kerak boʻlgan majburiyatlar memorandumi imzolandi.

Shuningdek, SHHT davlatlari orasida savdo-iqtisodiy, transport-kommunikatsiya, investitsiya, turizm va ilmiy-texnikaviy sohalarda hamkorlikni rivojlantirishga katta eʼtibor qaratildi.

Zasedaniye soveta SHOS - Sputnik Oʻzbekiston
Siyosat
SHHT Toshkentga qaytmoqda

Umuman olganda, Shanxay hamkorlik tashkiloti oʻtgan yillardagi faoliyati davomida nufuzli xalqaro va mintaqaviy tashkilotlar qatoridan munosib oʻrin egalladi. Bugungi davlatlararo munosabatlar tizimida xavfsizlik, barqarorlik va taraqqiyotni taʼminlashning samarali mexanizmga aylandi.

Tashkilot jahon hamjamiyati eʼtiborini butun dunyoga jiddiy xavf solayotgan terrorizm, ekstremizm va narkotrafikka qarshi kurashish masalalariga qaratmoqda.

Toshkentda boʻlib oʻtayotgan Forum majlisida SHHTga aʼzo davlatlar – Oʻzbekiston, Qozogʻiston, Xitoy, Qirgʻiziston, Rossiya, Tojikiston, kuzatuvchi maqomiga ega boʻlgan davlatlar – Hindiston, Pokiston, Eron, Afgʻoniston va Belarusning yetakchi tadqiqot markazlari ekspertlari, SHHT Mintaqaviy aksilterror tuzilmasi Ijroiya qoʻmitasi va Kotibiyati hamda Oʻzbekistonda akkreditatsiyadan oʻtgan diplomatik korpus vakillari ishtirok etmoqda.

 

Yangiliklar lentasi
0