Endi "O‘zbekturizm" rahbarining xorijiy maslahatchilari bo‘ladi

© Iz lichnogo arxiva Sergeya AksenovaSamarqanddagi Sherdor madrasasi
Samarqanddagi Sherdor madrasasi - Sputnik O‘zbekiston
Obuna bo‘lish
Ta’kidlanishicha, xorijiy mutaxassislar O‘zbekiston turizm imkoniyatlarini xalqaro sayyohlik bozorlarida qanday qilib targ‘ib qilishni yaxshiroq bilishadi. Ular turizm sohasida ro‘y berayotgan o‘zgarishlarga o‘z bilim va malakalari asosida yondoshadilar

TOShKENT, 16-may — Sputnik. O‘zbekiston hukumati tomonidan Turizmni rivojlantirish davlat qo‘mitasi Raisiga 2 nafar xorijiy mutaxassis-maslahatchilarni jalb etish masalasi ko‘rib chiqilmoqda, deb xabar qildi Sputnik O‘zbekiston muhbiriga Vazirlar Mahkamasi xodimi.

Fotografii predstavlennie na vistavke Gorod skazok i legend - Sputnik O‘zbekiston
O‘zbekiston va Rossiya o‘rtasidagi turizm bo‘yicha kelishuv kuchga kirdi
"Xorijiy mutaxassislarni O‘zbekistonga taklif qilish shu bilan asoslanadiki, ular O‘zbekiston turizm mahsulotlari va xizmatlarini qanday qilib xorijiy mamlakatlarda targ‘ib qilishni yaxshiroq bilishadi. Ular turizm sohasida ro‘y berayotgan o‘zgarishlarga o‘zlarining boy tajribasi va bilimlari asosida yondoshadilar. Biz hozirgi kunda Tashqi ishlar vazirligidan O‘zbekistonga kelib, o‘zoq muddatda ishlay oladigan yetakchi nomzodlar ro‘yxatini oldik. Hozirgi kunda ular tomonidan taqdim etilgan sharoitlar bo‘yicha aniq takliflar tayyorlanmoqda, muzokaralar olib borilmoqda,"- deb ta’kidladi Turizmni rivojlantirish davlat qo‘mitasi xodimi.

Turizmni rivojlantirish davlat qo‘mitasi xodimi so‘zlariga ko‘ra, tanlab olingan nomzodlarning ko‘pchilik qismi O‘zbekistonga o‘z jamoasi bilan kelib ishlashga tayyor ekanliklarini bildirishgan. Bu o‘z navbatida ayrim qiyinchiliklarni keltirib chiqarmoqda. Hozirgi kunda ushbu masalalar mutasaddi vazirliklar bilan kelishilmoqda.

Vand kompaniyasi menedjeri - Irina Medvedeva - Sputnik O‘zbekiston
Turizm eksperti: O‘zbekistonda tomosha qiladigan narsa ko‘p
Yana bir muhim jihati shuki, hukumat tomonidan turizm sohasida yagona bo‘lgan xorijiy korxonasini tanlash masalasi dolzarb bo‘lib turibti. Mazkur korxona tomonidan jahonning turli bozorlarida O‘zbekiston turizm imkoniyatlarini targ‘ib qilinadi.

"Tanlab olingan korxona tomonidan O‘zbekiston turizm imkoniyatlarimizni jahon bozorlarida keng targ‘ibot qilish bo‘yicha o‘zoq muddatga mo‘ljallangan Konsepsiya ishlab chiqilishi talab etiladi. Konsepsiyani amalga oshirish mexanizmi bo‘yicha aniq takliflar ishlab chiqiladi. Hozirgi kunda eng dolzarb bo‘lgan yo‘nalishlarimiz bu — Xitoy, Yevropa, Rossiya va Janubiy Osiyo davlatlari," — deb ta’kidladi suhbatdoshimiz.

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.

Yangiliklar lentasi
0