TOShKENT, 16-may — Sputnik. O‘zbekistonlik bolalar Turkmaniston prezidenti Gurbanguli Berdimuhamedov taklifiga asosan Turkmenbosh shahriga yetib borishdi. Bu haqda Turkmaniston davlat matbuot agentligi xabar berdi.
O‘zbekistonlik yosh o‘quvchilar "Avaza" milliy sayyohlik zonasida joylashgan "Dayanch" bolalar sog‘lomlashtirish markaziga joylashtirildi.
O‘zbekistonlik o‘quvchilar "Avaza" milliy sayyohlik zonasida joriy yil 25-mayga qadar dam olishadi.
O‘zbekistonlik yosh o‘quvchilar delegatsiyasiga O‘zbekiston Bosh vaziri o‘rinbosari, O‘zbekiston Xotin-qizlar Qo‘mitasi raisi T.Narbayeva boshchilik qilmoqda.
O‘zbekistonlik o‘quvchilarni xalq ta’limi va sog‘likni saqlash vazirliklari xodimlari, O‘zbekiston Milliy teleradiokompaniya hamda "Tomosha" bolalar teatri studiyasi xodimlari hamroh bo‘lishmoqda.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
