Hodisalar

ID jangarilari Moskva metrosini qanday portlatmoqchi boʻlishdi

© Sputnik / Grigoriy Sыsoyev / Fotobankka oʻtishRassmotreniye xodataystva sledstviya ob areste obvinyayemыx v podgotovke teraktov v Moskve v Meщanskom sude stolitsы
Rassmotreniye xodataystva sledstviya ob areste obvinyayemыx v podgotovke teraktov v Moskve v Meщanskom sude stolitsы - Sputnik Oʻzbekiston
"Islom davlati" terrorchilik tashkiloti bilan aloqadorlikda gumon qilinayotganlar Rossiya poytaxtida futbol boʻyicha Konfederatsiyalar kubogi oʻtkazilishini yoʻqqa chiqarishni koʻzda tutishgan

TOSHKENT, 2 iyun — Sputnik. 25 may kuni FXX tomonidan qoʻlga olingan shaxslar "Teplыy stan", metro bekatida terakt uyushtirishga tayyorgarlik koʻrishgan, deb xabar berdi "Kommersant".

Nashrning maʼlum qilishicha, Suriyadan berilgan koʻrsatmaga asosan, portlatishlar orqali terrorchilar Rossiya poytaxtida futbol boʻyicha Konfederatsiyalar kubogi oʻtkazilishini yoʻqqa chiqarishni koʻzda tutishgan.

Dunyoda
FSB terrorchilarning Telegramdagi maxfiy guruhlarini fosh etdi

Oʻtgan haftada Rossiya FXX Muhammadyusuf Ashurov, Furqat Kushayev, Abdushukur Gulmirzayev va Magomed Davudovlarni hibsga olish talabi bilan sudga murojaat qildi. Ular terrorchilik tashkilotida ishtirok etishda, terakt uyushtirishga tayyorgarlikda, oʻq-dori va portlovchi moddalar saqlashda hamda portlovchi moddalar tayyorlashda ayblanmoqda.

Oʻzbekiston fuqarosi boʻlgan 21 yoshli Ashurov oʻrta-maxsus maʼlumotga ega, rasman ishsiz. Uning hamyurti- 24 yoshli Kushayev kollejni bitirgan, u ham ishsiz. Tojikiston fuqarosi 26 yoshli Gulmirzayev va dogʻistonlik 20 yoshli Davudov sudda Peredelkinodagi zavodda ishlashlarini, lekin norasmiy tarzda ishga joylashishganini aytishdi. Sud ularni ikki oyga hibsga olishga hukm chiqardi.

Terrorchi tashkilot aʼzolarini ushlash boʻyicha operatsiya poytaxtdagi Novo-Peredelkino tumanidagi uchta uyda oʻtkazildi. Bu uylarda ID tarafdorlari xonadon ijaraga olgan boʻlib, xonadonlardan birini portlovchi qurilmalar tayyorlanadigan tsexga aylantirishgan. Xonadondan elektrolit, vodorod peroksidi va atseton toʻldirilgan 5 litrli idishlar, simlar, gayka va mix solingan xaltalar topilgan. Avtomobil oʻt oʻchirgichiga joylashtirilgan qoʻlbola bomba ham topilgan boʻlib, FXX ekspertlarining aytishlaricha, 3 aprel kuni Sankt-Peterburg metrosida amalga oshirilgan teraktda ham xuddi shunday portlovchi qurilmadan foydalanilgan.

Na meste terakta v kontsertnom komplekse Manchester Arena - Sputnik Oʻzbekiston
Hodisalar
Manchesterdagi terakt uchun javobgarlikni ID oʻz zimmasiga oldi

Ekstremistlar taʼsiriga birinchi boʻlib Ashurov tushgan. U "Odnoklassniki" tarmogʻida hozirda Turkiyada yashayotgan yurtdoshi bilan tanishib qoladi. Telegram messenjeri orqali bir necha oy davomida diniy mavzularda suhbatlashgan Ashurov IDga sodiqligi haqida unga bayat beradi (qasam ichadi).

Zavodga yuk tashuvchi boʻlib joylashgan Ashurov oʻzi bilan ishlaydigan Kushayev, Gulmirzayev va Davudovlarni ID safiga chorlaydi. U hamkasblariga Suriyadagi jangarilar qanday zoʻr yashayotganlari haqida hikoya qiladi va ular oʻzlarini Rossiyada koʻrsata olsalar Suriyaga borishlari mumkinligiga ishontiradi.

Berilgan koʻrsatmaga asosan, ular Moskvada Konfederatsiyalar kubogi arafasida terakt sodir etishlari kerak boʻlgan. Ularga qayerda hujum uyushtirishni oʻzlari tanlashlari mumkinligi aytilgan. Jangarilar dastlab "kofirlar choʻchqa goʻshti yeydigan" restoranda portlash uyushtirishni rejalashtirishgan, keyin esa oʻzlari yaxshi biladigan "Teplыy stan" metro stantsiyasini tanlashgan. Portlashdan soʻng ular yoʻlovchilarga qarshi avtomatlardan oʻt ochishni va granata uloqtirishni reja qilishgan.

Tergov maʼlumotlariga koʻra, ular teraktni odatda odam gavjum boʻladigan juma kunlaridan biriga rejalashtirishgan. Ashurovning oʻzi hujumni telefon orqali tasvirga olishi va lavhani internetga joylashtirishi lozim boʻlgan.

Buyurtmachilar terakt ijrochilariga hujjat, pul va va Turkiyaga chiptalar joʻnatishni vaʼda qilishgan. Lekin ularning barchasi shunchaki hudkushga aylanishlari qoʻlga olinganlarning hech birining xayoliga kelmagan.

Bizning Telegramdagi oʻzbekcha kanalimizga obuna boʻling va eng yangi xabarlarni birinchi boʻlib oʻqing.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala