TOShKENT, 7-iyun — Sputnik. 2017-yilning dastlabki choragida Rossiyadan O‘zbekistonga pul o‘tkazmalari hajmi o‘tgan yilning shu davriga nisbatan 50,79% ga ortdi, deb xabar bermoqda uz24.uz.
Rossiya Markaziy banki ma’lumotlariga ko‘ra, yanvar — mart oylari davomida Rossiyadan O‘zbekistonga 570 mln dollar — o‘tgan yilga qaraganda 192 mln dollarga ko‘p pul mablag‘lari yuborildi.
2016 yilning birinchi choragida pul o‘tkazmalari hajmi 378 mln dollar, 2015-yilda — 466 mln dollarni tashkil etganini hisobga olganda, bu so‘nggi yillardagi yuqori ko‘rsatkich hisoblanadi.
Shu vaqt mobaynida O‘zbekistondan Rossiyaga yuborilgan pul o‘tkazmalari miqdori o‘tgan yilning birinchi choragidagi 82 mln dollardan 2017-yilda 68 mln dollarga pasaydi.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
