O‘zbekiston mahsulotlari Ostonadagi EKSPO - 2017 ko‘rgazmasida namoyish etilmoqda

Obuna bo‘lish
O‘zbekistonda ishlab chiqarilgan mahsulotlarning namoyishi uchun ikki qavatli bino ajratilgan

TOShKENT, 9-iyun — Sputnik. Bugun Ostona shahrida EKSPO — 2017 xalqaro ko‘rgazmasi ochildi. Bu haqda O‘zbekiston Respublikasi hukumat portali xabar bermoqda.

Vistavka yarmarka produksii promishlennix tovarov Respubliki Uzbekistan 2017 - Sputnik O‘zbekiston
Dushanbedagi ko‘rgazmada O‘zbekiston mahsulotlari talash bo‘lmoqda

Ko‘rgazmada O‘zbekiston, Rossiya, AQSh, Xitoy, Germaniya, Buyuk Britaniya, Fransiya, Yaponiya, Janubiy Koreya, Turkiya, Hindiston, Vyetnam, Armaniston, Pokiston, Ozarbayjon, Belarus, Kuba, Turkmaniston, Ruminiya, Braziliya singari 120 dan ziyod davlat o‘zining texnologik, ilmiy, madaniy yutuqlarini namoyish etmoqda. Shuningdek, 20 dan ortiq xalqaro tashkilot ishtirok etmoqda.

O‘zbekistonda ishlab chiqarilgan mahsulotlarning namoyishi uchun ikki qavatli bino ajratilgan. Pavilon asosiy eshigining tepa qismiga yirik monitor o‘rnatilgan. Unda O‘zbekistonning boy madaniy merosi, tarixiy obidalari, milliy urf-odat va an’analari, iqtisodiy salohiyati, turistik maskanlar, diyorimizda yetishtirilgan sarxil mevalar namoyish etilmoqda.

O‘zbekiston pavilonining birinchi qavati 630 kvadrat metr maydonni egallagan. Bu yerda quyosh, shamol va suv, ya’ni kelajak energiyasi mahsulotlari namoyishga qo‘yilgan.

Umumiy maydoni 550 kvadrat metrni tashkil etgan ikkinchi qavatda O‘zbekistonning transport va logistika, turizm sohalari hamda oziq-ovqat, vino va sharbat tayyorlash sanoatida erishilgan yutuqlar, o‘zbek milliy taomlari namoyish etilmoqda.

Sanoatlashtirish ramzi, texnik va texnologik yutuqlar namoyishi uchun ochiq platforma hisoblangan butunjahon ko‘rgazmasi — EKSPO 93 kun davom etib, mamlakatlar o‘rtasidagi hamkorlikni yanada rivojlantirishga va xalqaro maydonda bir-birini qo‘llab-quvvatlashga xizmat qiladi.

Hozirga qadar 35 marotaba o‘tgan ko‘rgazmaga Bolgariya, Ispaniya, Janubiy Koreya, Germaniya, Yaponiya, Xitoy, Italiya, Turkiya singari mamlakatlar mezbonlik qilgan. An’anaviy o‘tkazib kelinayotgan EKSPOning nufuzi, mavqeyi yildan-yilga yuksalib, unda ishtirok etishni istagan davlatlar safi tobora kengayib bormoqda.

Yangiliklar lentasi
0