TOShKENT, 10-iyun — Sputnik. Milliy bank huzuridagi Kichik biznes va xususiy tadbirkorlik subyektlari eksportini qo‘llab-quvvatlash jamg‘armasi Xitoyda vakolatxonasini ochadi. Veyxay shahri importchilar palatasi bilan tegishli kelishuv imzolandi, deb xabar berdi "Podrobno.uz".
Jamg‘arma yaqin kelajakda Latviya, Singapur, Portugaliya, Chexi, Lyuksemburg, Polsha, Buyuk Britaniya va boshqa davlatlarda o‘z vakolatxonalarini ochishni rejalashtirgan. Hozirda Rossiya, Janubiy Koreya, Italiya, Bolgariya, Shveysariya, Germaniya va Ispaniyada jamg‘arma vakolatxonalari faoliyat ko‘rsatmoqda.
Jamg‘arma vakolatxonalarining asosiy vazifasi marketing tadqiqotlari o‘tkazish, o‘zbek mahsulotlari uchun salohiyatli importchilar topish, o‘zbek brendlarini xorij bozorlarida tanitish, o‘zbekistonlik tadbirkorlarning ko‘rgazma, yarmarka, tender savdolari va boshqa tadbirlarda ishtirokini tashkil etishdan iborat.
Jamg‘arma O‘zbekiston prezidentining qarori bilan 2013-yilda tashkil etilgan.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
