TOShKENT, 14-iyun — Sputnik.2016 yil yakuniga ko‘ra O‘zbekiston neft zaxiralari 100 mln tonnani, tabiiy gaz zahiralari 1,1 trln kub metrni tashkil qilgandi. Bu 2015-yilgi ko‘rsasatkich darajasiga mos keladi, deyiladi Britaniyaning VR kompaniyasi hisobotida.
VR mutaxassislarining bildirishlaricha, O‘zbekiston 2016-yilda neft qazib olishni 3,1 foizga — 2,6 mln tonnaga kamaytirgan. Shu tarzda, O‘zbekistonda bir sutkada o‘rta hisobda 55 ming barrel neft qazib olingan.
Neft iste’moli o‘tgan yilga nisbatan 0,7 foizga ko‘paygan — 2,8 mln tonnaga yetgan. 2016-yilda O‘zbekistonda neft iste’mol qilish bir sutkada o‘rtacha 59 ming barrelni tashkil etgan.
Shuningdek, VR mutaxassislarining hisob-kitoblariga ko‘ra, O‘zbekistonda 2016-yilda 62,8 mlrd kub metr tabiiy gaz qazib olingan, bu 2015-yildagi ko‘rsatkich bilan solishtirilganda 8,4 foizga ko‘pdir. Tabiiy gaz iste’mol qilish esa o‘tgan yilda 51,4 mlrd kub metrni (o‘sish 2% ga) tashkil qilgan.
"O‘zbekneftegaz" MXKda mavjud quvvatlar yiliga qariyb 70 mlrd kub metr tabiiy gaz va 8 mln tonna suyuq uglevodorodlarni qazib olish imkoniyatiga ega.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
