Jamiyat

Elchixona: Oʻzbekistonda qirgʻizlar huquqi poymol etilayotgani haqiqatga mos kelmaydi

© Pravitelstvo KRV Kыrgыzstan pribыla delegatsiya Respubliki Uzbekistan
V Kыrgыzstan pribыla delegatsiya Respubliki Uzbekistan - Sputnik Oʻzbekiston
Elchixona Qirgʻiziston nashrlaridan birida Oʻzbekistonda qirgʻizlar huquqi poymol etilayotgani aytilgan maqolani haqiqatdan yiroq deb atadi

TOSHKENT, 16 iyun — Sputnik. Oʻzbekistonning Qirgʻizistondagi elchixonasi matbuot relizida bildirilishicha, 14 iyun kuni "24.kg" axborot agentligining elektron portalida nashr muxbiri Yuliya Kostenkoning "Qirgʻiziston tashqarisida 900 mingdan ortiq etnik qirgʻizlar yashaydi" nomli xabari chop etilgan.

Unda Qirgʻiziston ombudsmani Kubat Otorbayevning maʼruzasiga tayangan holda davlat migratsiya xizmatining maʼlumotlariga koʻra Qirgʻizistondan tashqarida 900 mingdan ortiq etnik qirgʻizlar yashashi aytiladi. Eng koʻp etnik qirgʻizlar esa Oʻzbekistonda — 300 ming kishi.

Mirziyoyev Atamboyevga: bizning oramizda chegara boʻlmasligi kerak - Sputnik Oʻzbekiston
Video
Mirziyoyev Atamboyevga: bizning oramizda chegara boʻlmasligi kerak

Xabarda "Oʻzbekiston hamda Tojikistonda Qirgʻizistonga koʻchib oʻtishni istaydigan qirgʻizlar koʻpchilikni tashkil etadi. Buning sababi — ularning huquqlari poymol qilinishi: qirgʻiz tilida taʼlim beruvchi maktablarning yopilishi, ularni ishga olishdagi cheklovlar" deyilgan.

Oʻzbekistonning Qirgʻizistondagi elchixonasi matbuot xizmati Oʻzbekistonga tegishli mazkur iddao haqiqatga mos kelmasligini, hech qanday asosga ega emasligini maʼlum qildi. Ushbu xabar yuqorida aytilgan maʼlumotlarni oldindan tekshirmasdan tarqatilgan va butkul noxolis hisoblanadi.

Elchixona Oʻzbekistonda barcha fuqarolarga, jumladan mamlakat hududida istiqomat qilayotgan qirgʻiz millatiga ham gʻamxoʻrlik bilan yondashilgani, yondashilayotgani va bundan buyon ham gʻamxoʻrlik qilinishini bildirdi.

Matbuot relizida aytilishicha, Oʻzbekistonda 6ta madaniy markaz mavjud — Andijon, Namangan, Fargʻona, Jizzax, Sirdaryo va Toshkentda (1995 yildan buyon faoliyat koʻrsatib kelayotgan bu markaz Oʻzbekistondagi qirgʻizlarning madaniy markazlarini birlashtiradi).

Chegaradagi askar - Sputnik Oʻzbekiston
Siyosat
Oʻzbekiston va Qirgʻiziston chegara masalasini Andijonda koʻrib chiqadigan boʻldi

Respublika baynalmilal madaniy markazining 25 yilligiga bagʻishlangan tantanali tadbirda qirgʻiz diasporasining ikki vakili (Andijon viloyati Jalaquduq tumanidagi 27-maktab oʻqituvchisi U.Mamataliyeva va Fargʻona viloyati Fargʻona tumanidagi 25-maktab oʻqituvchisi N.Xalibayeva) Oʻzbekiston prezidenti SH.Mirziyoyevning farmoniga muvofiq davlat mukofoti bilan taqdirlangan.

Oʻzbekistonda qirgʻiz tilida 56 maktab mavjud boʻlib, ularda 8 mingdan ortiq bola taʼlim oladi. Andijon davlat universitetida "Ona tili va adabiyoti: qirgʻiz tili va adabiyoti" bakalavriati mavjud boʻlib, 2015/2016 oʻquv yilida unga 75 nafar talaba qabul qilingan.

Elchixona Qirgʻiziston nashrlarida bundan keyin bu tarzdagi noxolis materiallar berilmasligiga umid bildirgan.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala