Iqtisod

Oʻzbekistondan Koreyaga gilos eksporti taqiqi olib tashlandi

Bundan tashqari, koreyalik hamkorlar bilan anor va qovun eksporti boʻyicha kelishuvga erishildi

TOSHKENT, 16 iyun — Sputnik. "Oʻzagroeksport" AJ tomonidan mahallliy muassasalar bilan hamkorlikda nafaqat eksport hajmini oshirish, balki oʻzbek gilosi eksporti geografiyasini kengaytirish va diversifikatsiyasi boʻyicha ham ishlar olib borilmoqda, deb xabar bermoqda kompaniya matbuot xizmati.

Joriy yilda asosiy eksport qilinuvchi davlatlardan tashqari, yangi gilos Buyuk Britaniya, Janubiy Koreya, BAA va boshqa mamlakatlarga yuborildi.

Yejegodnыy konkurs chereshni v Uzbekistane - Sputnik Oʻzbekiston
Jamiyat
Kimning gilosi zoʻr: Oʻzbekistonda gilos koʻrik-tanlovi boʻlib oʻtdi

Koreya tomonining talablari jiddiy oʻrganib chiqilganidan soʻng masʼul muassasalar saʼy-harakati bilan oʻzbek gilosini Janubiy Koreyaga eksporti taqiqi olib tashlandi. Eksport shartnomalari imzolanib, eksport barqaror ravishda amalga oshirilishi yoʻlga qoʻyildi.

Bundan tashqari, koreyalik hamkorlar bilan anor va qovun eksporti boʻyicha kelishuvga erishildi.

Marketing tadqiqotlariga koʻra, Boltiqboʻyi, Yevropa va Janubi-sharqiy Osiyo davlatlarida Oʻzbekistonning yangi va quritilgan meva-sabzavot mahsulotlari katta talabga ega boʻlmoqda.

Shu nuqtai nazardan, xorijda yangi hamkorlarni qidirib topish boʻyicha faol ishlar olib borilmoqda. BAA, Yaponiya, Janubiy Koreya, Frantsiya, Germaniya va boshqa mamlakatlar kompaniyalari bilan eksport hajmini oshirish masalasi oʻrganilmoqda.

Bugungi kunda Oʻzbekiston gilos yetishtirish boʻyicha dunyoda beshinchi oʻrinda turadi — yiliga 100 ming tonna. Undan kamida 30 foizi har yili MDH va uzoq xorij davlatlariga eksport qilinadi.

Kompaniyaning maʼlum qilishicha, 2016 yilda 50 mln. dollarlik oʻzbek gilosi eksport qilindi.

Bizning Telegramdagi oʻzbekcha kanalimizga obuna boʻling va eng yangi xabarlarni birinchi boʻlib oʻqing.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala