Xo‘jandda bo‘lib o‘tayotgan yarmarkada o‘zbek tadbirkorlariga omad kulib boqmoqda

© Sputnik Yetvesh StanislavTojikistonning Xo‘jandida xalqaro iqtisodiy ko‘rgazma-yarmarkasi ish boshladi
Tojikistonning Xo‘jandida xalqaro iqtisodiy ko‘rgazma-yarmarkasi ish boshladi - Sputnik O‘zbekiston
Obuna bo‘lish
Tojikistonning Xo‘jandida bo‘lib o‘tayotgan "So‘g‘d-2017" ko‘rgazma-yarmarkasiga ilk marotaba O‘zbekistondan va Latviyadan biznesmenlar tashrif buyurishdi, deb xabar qilmoqda Sputnik Tojikiston nashri

TOShKENT, 16-iyun — Sputnik, Anastasiya Lebedeva. Xo‘jandda "So‘g‘d-2017" xalqaro iqtisodiy ko‘rgazma-yarmarkasining ochilish marosimi bo‘lib o‘tdi, deb xabar qildi Sputnik Tojikiston nashri.

Tojikistonda O‘zbekiston sanoat mahsulotlari ko‘rgazmasi o‘tkazildi - Sputnik O‘zbekiston
Tojikiston matbuoti: tojiklar va o‘zbeklar do‘stligi abadiy!
Xabarga ko‘ra, yarmarkaga Tojikistonning turli viloyatlaridan 200dan ortiq tadbirkorlar hamda 10 ta davlatdan biznesmenlar tashrif buyurishgan. Bundan tashqari, "So‘g‘d-2017" ko‘rgazma-yarmarkasida 23ta xalqaro tashkilot vakillari ham ishtirok etganlar.

"Bugun iqtisodiy aloqalarni mustahkamlash maqsadida Xo‘jandga O‘zbekistonning 30dan ziyod kompaniyalari vakillari tashrif buyurishdi. Ishonchim komilki, bu ko‘rgazma mamlakatlarimiz o‘rtasidagi munosabatlarni yanada yuqori darajaga ko‘taradi", — degan O‘zbekiston tomondan tashrif buyurgan savdo-sanoat palatasining Toshkent viloyati bo‘yicha boshqarmasi rahbari Fayzullo Mamonov.

O‘zbekistondan tashrif buyurgan o‘zbek tadbirkorlari ham o‘z xursandchiligini yashirishmadi, deb yozadi nashr.

© Sputnik Stas Yetvesh Tojikistonning Xo‘jandida xalqaro iqtisodiy ko‘rgazma-yarmarkasi ish boshladi
V Xudjande otkrilas mejdunarodnaya ekonomicheskaya vistavka-yarmarka Sugd-2017 - Sputnik O‘zbekiston
Tojikistonning Xo‘jandida xalqaro iqtisodiy ko‘rgazma-yarmarkasi ish boshladi

"Bizni taklif etishganidan cheksiz xursandmiz. Dushanbeda o‘tkazilgan ko‘rgazmada ishtirok etish nasib qilmagandi, bu yerga ham zo‘rg‘a ulgurdik. Chunki 200ta kompaniya ariza bergan bo‘lsa, faqat 30tasi qatnashishi mumkin edi", — deb aytgan o‘zbekistonlik tadbirkorlardan biri.

Bugun bu tadbirkorning omadi chopdi, ikki soat ichida u tojikistonlik hamkasblari bilan uchta shartnoma imzolashga muvaffaq bo‘ldi, deb xabar qilgan nashr.

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.

Yangiliklar lentasi
0