TOShKENT, 16-iyun — Sputnik. 2017 yil 15-iyun kuni O‘zbekiston imom-xatiblari bilan uchrashuvda O‘zbekiston prezidenti Shavkat Mirziyoyev o‘zini xijolat qilgan bir manzara haqida gapirdi.
Yaqinda Buxoro viloyatiga safarda bo‘lganimizda, mashhur "Mir Arab" madrasasini ko‘rib, to‘g‘risi, ancha xijolat bo‘ldim. Necha zamonlardan buyon, xalqimizga, dinimizga xizmat qilib kelayotgan, nafaqat yurtimiz, balki musulmon dunyosida shuhrat qozongan qanchadan qancha ulamolarni kamolga yetkazgan bu muqaddas dargoh achinarli holga tushib qolgani, albatta, afsusdir", — dedi O‘zbekiston rahbari.
Mirziyoyev, Mirzo Ulug‘bek bobomiz ham o‘z ilmlarini "bismillohir rahmonir rahimdan" boshlaganini ta’kidlagan holda, "o‘zbek xalqining e’tiqodi, tarixi, ajdodlari, kechagi kuni, qanday buyuk tarixi borligini barchaga namoyon qilishimiz zarur", deya qo‘shimcha qildi.
