Siyosat

Mirziyoyev Shtaynmayerga hamdardlik bildirdi

© IA "Jaxon"Oʻzbekiston prezidenti Shavkat Mirziyoyev
Oʻzbekiston prezidenti Shavkat Mirziyoyev - Sputnik Oʻzbekiston
Taʼziyamni qabul qilishingizni va janob Kolning oila aʼzolari va yaqinlariga, butun Germaniya xalqiga chuqur hamdardligimni yetkazishingizni soʻrayman, deyilgan hamdardlik maktubida

TOSHKENT, 18 iyun — Sputnik. Shavkat Mirziyoyev Germaniya Federativ Respublikasi Federal Prezidenti Frank-Valter Shtaynmayerga hamdardlik bildirdi, deb xabar qildi Oʻzbekiston prezidenti matbuot-xizmati.

Germaniyaning sobiq kantsleri Gelmut Kol - Sputnik Oʻzbekiston
Hodisalar
Germaniyaning sobiq kantsleri Gelmut Kol vafot etdi
"Germaniya Federativ Respublikasining sobiq Federal kantsleri Gelmut Kol vafoti toʻgʻrisidagi xabar meni chuqur qaygʻuga soldi. Janob Kol jahon miqyosidagi yirik siyosiy lider va GFRning mashhur davlat arbobi sifatida xotiramizda mangu qoladi. Jahon tarixidagi eng muhim siyosiy voqealar, jumladan, Germaniyaning birlashuvi va Yevropa Ittifoqining tashkil topishi bevosita uning nomi bilan bogʻliq.

Gelmut Kol, shuningdek, Oʻzbekiston bilan Germaniya oʻrtasida uzoq muddatli sheriklik va doʻstlik aloqalari oʻrnatilishi va rivojlanishiga beqiyos hissa qoʻshgan.

Taʼziyamni qabul qilishingizni va janob Kolning oila aʼzolari va yaqinlariga, butun Germaniya xalqiga chuqur hamdardligimni yetkazishingizni soʻrayman. Qaygʻu bilan, Shavkat Mirziyoyev, Oʻzbekiston Respublikasi Prezidenti"

Eslatib oʻtamiz,  Germaniyaning sobiq kantsleri Gelmut Kol juma kuni 87 yoshida olamdan oʻtgan edi.

Bizning Telegramdagi oʻzbekcha kanalimizga obuna boʻling va eng yangi xabarlarni birinchi boʻlib oʻqing.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala