Alibaba rahbari: 30-yildan so‘ng odamlar kuniga to‘rt soatdan ishlaydi

© REUTERS / Bobby YipJack Ma
Jack Ma - Sputnik O‘zbekiston
Obuna bo‘lish
Diplomi bo‘yicha muallim bo‘lgan Ma dunyo yetakchilari ta’lim tizimiga e’tibor qaratishlari kerakligi, avtomatlashtirishni joriy etish "og‘riqsiz" o‘tishi lozimligini ta’kidlagan. "Biz odamlarga o‘xshagan mashinalarni yaratishimiz kerak degan fikrdan yiroqman. Biz mashina odamlarning qo‘lidan kelmaydigan ishni qila olishiga ishonch hosil qilmog‘imiz darkor", degan u

TOShKENT, 21-iyun — Sputnik. Dunyodagi eng yirik Xitoy internet-kompaniyasi bo‘lmish Alibaba Group rahbari Djek Ma oradan 30-yil o‘tgach odamlar kuniga to‘rt soat va haftasiga to‘rt kundan ishlay boshlaydilar, degan fikrda.

Prezident SShA Donald Tramp - Sputnik O‘zbekiston
Tramp tufayli dunyoning eng boy odamlari kambag‘allashmoqda
Uning so‘zlariga ko‘ra, sun’iy ong rivojlanishi odamlarga ko‘proq sayohat qilish va kamroq ishlash imkonini beradi. "O‘ylaymanki, yaqin 30-yil ichida soatiga faqat to‘rt soat va ehtimol, haftasiga to‘rt kundan ishlaydigan bo‘lishadi. Mening buvam qishloq xo‘jaligi tarmoqlarida kuniga 16 soatdan ishlagan va o‘zini eng ko‘p ishlaydigan odam hisoblagan. Biz kuniga sakkiz soat, haftasiga esa besh kundan ishlaymiz va o‘zimizni o‘ta band odam hisoblaymiz", — deb aytgan Ma CNBC telekanaliga bergan intervyusi davomida.

Diplomi bo‘yicha muallim bo‘lgan Ma, shuningdek, dunyo yetakchilari ta’lim tizimiga e’tibor qaratishlari kerakligini ta’kidlab, avtomatlashtirishni joriy etilishi "og‘riqsiz" o‘tishi kerakligini ta’kidlagan. "Men biz odamlarga o‘xshagan mashinalarni yaratishimiz kerak degan fikrdan yiroqman. Biz mashina odamlarning qo‘lidan kelmaydigan ishni qila olishiga ishonch hosil qilmog‘imiz darkor", — deya izoh bergan Alibaba rahbari. Uning so‘zlariga ko‘ra, mashinalar hech qachon odamlardagi donolik va tajribani egallay olmaydi.

Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.

Yangiliklar lentasi
0