TOShKENT, 22-iyun — Sputnik. Ilgariroq O‘zbekiston TIV matbuot-xizmati Qozog‘istonda sodir etilgan va 9 nafar o‘zbekistonlikning hayotdan ko‘z yumishiga sabab bo‘lgan dahshatli YTH haqida sal keyinroq xabar berishi haqida ma’lum qilgan edi.
Ayni vaqtda O‘zbekiston TIV matbuot-xizmati Qozog‘istondagi YTH haqida rasmiy bayonotini keltirib o‘tdi.
"OAV xabarlariga ko‘ra, 2017-yilning 22-iyun kuni Qozog‘istonning Akmola viloyati hududida Chimkentdan Volgodradga (Rossiya) ketayotgan avtobus ag‘darilib tushgan. Yo‘l-transport hodisasi qurbonlari orasida O‘zbekiston fuqarolarining borligi aniqlanmoqda.
O‘zbekiston Respublikasi Tashqi ishlar vazirligi Konsullik boshqarmasi va Qozog‘istondagi Elchixonasi tomonidan jarohat olganlarning shaxsini aniqlash va zarur yordamni ko‘rsatish uchun choralar qo‘llanilmoqda", — deyiladi TIV xabarida.
Yutub tarmoqlarida esa hodisa joyidan olingan video e’lon qilindi.
