TOShKENT, 23-iyun — Sputnik. O‘zbekiston prezidenti Shavkat Mirziyoyev Farg‘ona viloyatiga tashrifi davomida Qo‘qon teatrini borib ko‘rdi va xalq orasida bu maskanning obro‘yi va nufuzini oshirish uchun nima qilish zarurligi to‘g‘risida o‘z fikr mulohazalarini bildirdi, deb xabar qildi O‘zbekiston Hukumat portali.
"Teatrni haqiqiy ma’naviyat o‘chog‘iga aylantirish uchun avvalo yaxshi asarlar kerak. Buning uchun bu yerda taniqli san’at namoyondalari, dramaturglar bilan uchrashuvlar tashkil etib, ijodiy muhit yaratish zarur", — dedi O‘zbekiston rahbari
Qayd etilishicha, suhbat davomida ijodkorlarni qo‘llab-quvvatlash, ular uchun alohida ko‘p qavatli uy-joy bunyod etish, teatrning moddiy-texnik bazasini mustahkamlash bo‘yicha ko‘rsatmalar berilgan.
Aktor va rejissorlarning malakasini oshirish, yosh mutaxassislar tayyorlash masalalariga ham alohida e’tibor qaratilgan.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
