Iqtisod

Markaziy bank qayta moliyalash stavkasini 14 % gacha koʻtardi

Mazkur qarorning qabul qilinishi joriy yilning oʻtgan davrida inflyatsiya surʼatlarining tezlashishi hamda inflyatsion xatarlarning ortishini cheklash boʻyicha choralarni kuchaytirish zaruriyatining yuzaga kelganligi bilan izohlanadi

TOSHKENT, 25 iyun — Sputnik. Markaziy bank Boshqaruvining pul-kredit siyosati chora-tadbirlarining iqtisodiyotda narxlar barqarorligini taʼminlashdagi samaradorligini muhokamasiga bagʻishlangan yigʻilishi yakuni boʻyicha joriy yilning 28 iyun kunidan qayta moliyalash stavkasini yillik 14 foizgacha koʻtarish toʻgʻrisida qaror qabul qilindi, deb xabar qildi Markaziy bank matbuot-xizmati.

"Mazkur qarorning qabul qilinishi joriy yilning oʻtgan davrida inflyatsiya surʼatlarining tezlashishi hamda inflyatsion xatarlarning ortishini cheklash boʻyicha choralarni kuchaytirish zaruriyatining yuzaga kelganligi bilan izohlanadi", — deyilgan xabarda.

Qayd etilishicha, inflyatsiya darajasiga narxlarning mavsumiy oʻzgarishi hamda taklif omillari bilan bir qatorda iqtisodiyotni kreditlash hamda milliy valyuta devalvatsiyasining oʻtgan yilga nisbatan yuqoriroq surʼatlarda oshib borishi ham oʻz taʼsirini oʻtkazdi.

Isteʼmol bozorida narxlar barqarorligi va inflyatsion xatarlarning pasayishiga erishilishi bilan qayta moliyalash stavkasi qayta koʻrib chiqilib, pasaytirib borilishi maʼlum qilingan.

Bizning Telegramdagi oʻzbekcha kanalimizga obuna boʻling va eng yangi xabarlarni birinchi boʻlib oʻqing.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala