TOShKENT, 29-iyun — Sputnik. Umarov Olimjon Muxamadjanovich O‘zbekiston Respublikasi axborot texnologiyalari va kommunikatsiyalarini rivojlantirish vazirining birinchi o‘rinbosari lavozimiga tayinlandi, deb xabar qildi O‘zbekiston prezidenti matbuot-xizmati.
Eslatib o‘tamiz, 27-iyun kuni O‘zbekiston prezidenti Hukumat tarkibida qator o‘zgarishlarni amalga oshirgan edi.
Jumladan, Bahromjon Norkobilov O‘zbekiston Respublikasi Davlat veterinariya qo‘mitasi raisi vazifasini bajaruvchi lavozimiga;
Bahodir Nizomov O‘zbekiston Respublikasi Bandlik va mehnat munosabatlari vazirining o‘rinbosari lavozimiga;
Tohir Haydarov O‘zbekiston Respublikasi Uy-joy kommunal xizmat ko‘rsatish vazirining o‘rinbosari lavozimiga;
Nodir Xusanov Avtomobil yo‘llari davlat qo‘mitasi raisining o‘rinbosari lavozimiga;
Uzoqboy Begimqulov Oliy va o‘rta maxsus ta’lim vazirining ilm-fan bo‘yicha o‘rinbosari lavozimiga tayinlangan edi.
