TOShKENT, 3-iyul — Sputnik. O‘zbekiston Respublikasi Vazirlar Mahkamasining qaroriga muvofiq To‘ychiyev Olimjon Alijonovich O‘zbekiston Respublikasi Fan va texnologiyalar agentligi Bosh direktorining o‘rinbosari lavozimiga tayinlandi. Bu haqda agentlik matbuot xizmati xabar qildi.
To‘ychiyev agentlikdagi Texnologiyalar trensferini tashkil qilish va innovatsiya yarmarkalarini o‘tkazish, Xalqaro ilmiy-texnik hamkorlikni rivojlantirish, Axborot-kommunikatsiya texnologiyalari va Oliy ta’limdan keyingi ta’lim tizimi bo‘limlari faoliyatini muvofiqlashtiradi.
Olimjon To‘ychiyev 25 yoshda bo‘lib, Toshkent shahridagi Turin politexnika universiteti magistratura bosqichida tahsil olib kelayotgan edi.
Eslatib o‘tamiz, yaqinda prezident 23 yoshli Alisher Sa’dullayevni O‘zbekiston xalq ta’limi vazirining o‘rinbosari etib tayinlagandi.
