TOShKENT, 3-iyul — Sputnik. Qirg‘iziston fuqarolari Rossiyada o‘z milliy haydovchilik guvohnomalari bilan ishlashlari ehtimoli mavjud. Prezident Vladimir Putinga bu boradagi murojaat jo‘natildi, deb xabar bermoqda Sputnik Qirg‘iziston RIA Novostiga asoslanib.
Ushbu hujjat tashabbuskori Davlat dumasining MDH ishlari bo‘yicha qo‘mitasidir. Hujjat mualliflarining eslatishicha, Rossiyada 1-iyundan boshlab xorijiy milliy va xalqaro haydovchilik guvohnomalari asosida transport vositalari orqali tadbirkorlikni amalga oshirish taqiqlandi. Qirg‘iziston keyinroq YeOIH a’zosi sifatida Yevrosiyo iqtisodiy komissiyasiga murojaat qildi.
Murojaat loyihasi mualliflarining ta’kidlashlaricha, Qirg‘iziston konstitutsiyasida rus tilidan rasmiy til sifatida foydalanilishi belgilab qo‘yilgan.
"Bu esa Qirg‘iziston fuqarolari rus tilini, xususan yo‘l harakati qoidalarini ushbu tilda yaxshi bilishlarini anglatadi", — deyiladi hujjatda.
Yuqoridagilardan kelib chiqib, Davlat dumasi deputatlari qirg‘izistonliklar uchun o‘z milliy haydovchilik guvohnomalari bilan ishlash imkoniyatini taqdim etishni so‘rab Rossiya prezidentiga murojaat qilishmoqda.
