TOShKENT, 4-iyul — Sputnik. O‘zbekiston Tashqi ishlar vazirligida Gruziya Elchisi bilan uchrashuv o‘tkazildi, deb xabar qildi TIV matbuot-xizmati.
"2017 yilning 4-iyul kuni O‘zbekiston Respublikasi Tashqi ishlar vazirligida Gruziyaning Favqulodda va Muxtor Elchisi Konstantin Jgenti bilan uchrashuv bo‘lib o‘tdi.
Muloqot chog‘ida turli sohalarda O‘zbekiston-Gruziya muloqotini yanada mustahkamlash istiqbollari, jumladan hamkorlikni rivojlantirish bo‘yicha qo‘shma tadbirlar rejasi ("Yo‘l xaritasi") loyihasi yuzasidan fikr almashildi", — deyilgan xabarda.
Qayd etilishicha, uchrashuvda vazirliklararo siyosiy maslahatlashuvlar va Iqtisodiy hamkorlik bo‘yicha hukumatlararo komissiyaning navbatdagi majlisini o‘tkazish muddatlari hamda turli darajalardagi boshqa tashriflar rejasi muhokama qilingan.
