TOShKENT, 9-iyul – Sputnik. AQSh prezidenti Donald Tramp va Rossiya prezidenti Vladimir Putinning birinchi yuzma-yuz uchrashuvi kecha Gamburgda “Katta yigirmatalik” sammiti doirasida bo‘lib o‘tdi, RIA Novosti xabariga asosan.
Yarim soatga mo‘ljallanga uchrashuv 2 soatdar ortiq cho‘zilib ketdi. Unda dunyoning dolzarb muammolari muhokama qilindi. Prezidentlar, shuningdek, Rossiyaning AQSh saylovlariga aralashish masalasini ham o‘zaro muhokama qilishgan.
Esingizda bo‘lsa, Donald Tramp prezident bo‘lgan kunidan boshlab uning raqibi Xillari Klinton tarafdorlari Rossiya xakerlari AQShdagi saylovlarga aralashishda ayblab kelmoqda. Ular bunga aniq isbot keltira olmasada, aytishlaricha “AQShning 17ta maxsus xizmati buni tasdiqlagan”.
Rossiya tashqi ishlar vaziri Sergey Lavrov aytishiga qaraganda, Tramp Putindan Rossiya AQSh prezident sayloviga aralashmagani haqida aniq javob olgan va ushbu javobni qabul qilgan.
Undan tashqari uchrashuvda, Suriya, Ukraina va Shimoliy Koreya kabi dunyo xavfsizligiga tahdid qilayotgan muammalar muhokama qilingan. Shuningdek, AQSh va Rossiya orasidagi munosabatlar darajasi ham ko‘rib chiqilgan.
AQSh prezidentining milliy xavfsizlik bo‘yicha maslahatchisi Gerberg Makmaster aytishiga qaraganda Tramp va Putin uchrashuvida hech qanday murakkab masala hal qilinmagan.
“Hech qanday muammo hal qilingani yo‘q. Hech kim ushbu uchrashuvda muammolar hal qilinishini kutmagan ham edi, lekin uchrashuv bir qator murakkab masalalar bo‘yicha suhbatning boshlanishi bo‘ldi. Biz endi ularni hal qilish uchun birga ishlashni boshlaymiz”, — dedi maslahatchi.
Umuman, ikkala prezident ham uchrashuv natijalaridan qoniqqan. Tramp uchrashuvni kelajak nuqtayi nazaridan “ajoyib” deb izohlagan.
Eslatib o‘tamiz, G20 sammita Germaniyaing Gamburg shahrida 7-8 iyul kunlari bo‘lib o‘tdi.
