TOShKENT, 10-iyun — Sputnik. G‘arbiy-Qozog‘istonning Kaztalov tumani, Taldapan shaharchasida istiqomat qiluvchi to‘qqizinchi sinf o‘quvchisi o‘z joniga qasd qildi, deb xabar berdi Sputnik Qozog‘iston nashri.
Qiz vafotidan so‘ng uning yonidan g‘alati mazmundagi aktub topilgan: marhuma o‘z o‘limi oldidan qoldirgan xatda "ancha vaqtdan beri ajal-qora odam uni o‘zi tomon chorlayotganiga" iqror bo‘lgan.
"Agar men o‘zimni osmasam, u hamma yaqinlarimni olib ketishini aytapti. Mana hozir ham yonimda turib, meni tezlashtirapti, shuning uchun shoshib yozapman. Iltimos, mening o‘limimda hech kimni ayblamang", — deyilgan maktubda.
Xat Kazlatov tumani hokimi o‘rinbosari Zaylim Majitov tomonidan o‘qib eshittirilgan.
Xabarda aytilishicha, marhuma a’lo baholarga o‘qigan va 8-iyul kuni do‘stlari bilan Ostonadagi EKSPO ko‘rgazmasiga borishi kerak bo‘lgan.
