TOShKENT, 11-iyul — Sputnik. Bugun Ozarbayjon prezidenti Ilhom Aliyev O‘zbekiston din ishlari bo‘yicha qo‘mita raisi Ortiqbek Yusupov hamda O‘zbekiston musulmonlari idorasi raisi, muftiy Usmonxon Alimovni qabul qildi. Bu haqda Ozarbayjon prezidentining rasmiy saytida xabar berilmoqda.
O‘zbekiston musulmonlari idorasi veb portalining xabar berishicha, O‘zbekiston delegatsiyasining Kavkaz musulmonlari idorasi raisi, Shayx-ul-Islom Ollohshukur Poshshozodaning taklifiga binoan Ozarbayjonga tashrifi 13-iyulga qadar davom etadi.
O‘zbekiston delegatsiyasi tashrif davomida ikki diniy idora o‘rtasidagi mavjud aloqalarni yanada rivojlantirish va hamkorlik sohalarini kengaytirishi rejalashtirilgan.
