Jamiyat

Oʻzbekiston pensionerlari nafaqa olishlarini xorijda tasdiqlashlari mumkin

Oʻzbekiston pensionerlari nafaqa olishlarini xorijda tasdiqlashlari mumkin

TOSHKENT, 11 iyul — Sputnik. Fuqarolarning davlat pensiya taʼminoti tizimini yanada takomillashtirishi munosabati bilan xorijiy davlatlarda istiqomat qiluvchi Oʻzbekiston pensionerlari doimiy yashash joylarida oʻz nafaqalarni olishni xorijda turib tasdiqlashlari mumkin. Bu haqda Vazirlar Mahkamasining qarori qabul qilingan.

Jamiyat
Oʻzbekistonda ish stajini hisoblash tartibi oʻzgardi

Pensiya toʻlash qonun hujjatlariga muvofiq rasmiylashtirilgan ishonchnoma boʻyicha amalga oshiriladi.

Ishonchnoma pensiyani yetkazib berish yuklangan tashkilotning boʻlinmasida saqlanadi.

Ishonchnoma bergan shaxs Pensiya jamgʻarmasi boʻlimlaridan biriga bir yilda kamida bir marta kelib, tayinlangan pensiyaga boʻlgan oʻz huquqini tasdiqlashi kerak.

Pensiya jamgʻarmasi boʻlimi tomonidan pensionerning kelishi imkoniyati mavjud emasligi (sogʻligʻi tufayli, davolash muassasalarida, shu jumladan ruhiy kasallar uchun statsionar davolanishda boʻlish) toʻgʻrisida maʼlumotlar olinganda, Pensiya jamgʻarmasi boʻlimlari xodimlari tayinlangan pensiyaga boʻlgan huquqni tasdiqlash uchun pensioner turgan joyga chiqishlari mumkin.

Pensioner xorijiy davlatda boʻlgan va sogʻligʻi tufayli Oʻzbekistonga kelish imkoniyatiga ega boʻlmagan holatlarda pensioner Oʻzbekiston Respublikasining chet eldagi diplomatik vakolatxonasi yoki konsullik muassasasiga murojaat etishi mumkin va xorijiy davlat hududida doimiy yashash holati mavjud emasligini, shuningdek, xorijiy davlat hududida pensiya va ijtimoiy nafaqa olmasligini tasdiqlashi lozim.

Ishonchli vakil pensiya toʻlashga taʼsir etishi mumkin boʻlgan oʻziga maʼlum barcha holatlar toʻgʻrisida Pensiya jamgʻarmasi boʻlimiga xabar berishi shart.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala