O‘zbekiston va Belarus chegara xavfsizligi rahbarlarining ishchi uchrashuvi bo‘lib o‘tdi

Pogranichnik na uchastke granisi
Pogranichnik na uchastke granisi - Sputnik O‘zbekiston
Obuna bo‘lish
Minsk shahrida Belarus va O‘zbekiston chegara xizmati rahbarlari uchrashuvi bo‘lib o‘tdi

TOShKENT, 15-iyul — Sputnik. 11-14 iyul kunlari Minsk va Brest shaharlarida Belarus chegara qo‘mitasi raisi, general-mayor Anatoliy Lappo va O‘zbekiston MXX chegara qo‘shinlari qo‘mondonligi qo‘mondoni — MXX raisi o‘rinbosari, general-mayor Rustam Eminjanovlarning ishchi uchrashuvi bo‘lib o‘tdi. Bu haqda Belarus davlat chegara qo‘mitasi matbuot xizmati xabar qildi. 

Tomonlar MDHga a’zo davlatlarning chegara qo‘shinlari qo‘mondonlari kengashi faoliyati doirasida hamda ikki tomonlama hamkorlik masalalarini muhokama qilishdi.

Chegara qo‘shinlari rahbarlari ikki davlat chegaralaridagi holat  haqida ma’lumot almashdilar. Shuningdek, chegara xavfsizligiga ta’sir qiluvchi tahdid va muammolarni bartaraf etish bo‘yicha masalalar muhokama qilindi.

Dva novix punkta propuska otkrili na granitse Kazaxstana i Uzbekistana - Sputnik O‘zbekiston
Toshkent - Termez yo‘lining Qozog‘istondan o‘tgan qismi ochildi
Ishchi tashrif doirasida Belarus-Polsha davlat chegarasida joylashgan "Peschatka" avtomobil o‘tkazish punktiga safar uyushtirildi.Bu yerda o‘zbekistonlik chegara xodimlari ushbu punktda chegara nazoratini tashkil etish xususiyatlari va infratuzilma bilan yaqindan tanishdilar.

Bundan tashqari, zamonaviy chegara xavfsizligini ta’minlash namunasi sifatida Brest chegara guruhining  "Kazimirovo" chegara punkti namoyish qilindi. Bu yerda mehmonlar chegara xavfsizligini ta’minlash borasida joriy etilgan zamonaviy avtomatlashtirilgan aloqa tizimining ishlashi va maxsus inshootlar bilan tanishtirildi.

Uchrashuv natijalari bo‘yicha tegishli bayonnoma imzolandi. Kelgusi rejalarga tezkor qidiruv faoliyati yo‘nalishida ikki tomonlama hamkorlik qilish, kadrlarni tayyorlash hamda texnik ta’minoti masalalari kiritildi.

Yangiliklar lentasi
0