TOShKENT, 18-iyul — Sputnik. O‘rta Osiyo mamlakatlari orasida o‘zaro savdo munosabatlarining pastligi bizni hayron qoldirdi, dedi Yevropa Ittifoqining Ichki ishlar komissiyasi direktori Stefano Manservizi, 12-14 iyul kunlari O‘rta Osiyo mumlakatlariga bo‘lib o‘tgan tashrifi davomida.
O‘rta Osiyo mamlakatlari orasidaga o‘zaro iqtisodiy munosabatlarni rivojlantirish masalasi YeIni qiziqtiradimi — degan savoliga, Manservizi quyidagicha javob berdi:
— Ha, bu borada ikkita yo‘l bor: birinchisi — hamkor bo‘lish va hududning har bir mamlakatiga iqtisodiy faollikni kuchaytirishga, yangi ish joylari yaratishga yordam berish. Biz ushbu masalani kecha Tojikistonda ham muhokama qilgan edik va ertaga (Qirg‘izistonda) ham muhokama qilamiz.
Lekin, iqtisodiy o‘sish kuzatilayotgan va islohotlar olib borilayotgan O‘zbekistonda ham qo‘shnilar bilan savdo-sotiq hajmi mamlkat YaIMining 5% idan kam ekan. Ushbu fakt chetdan qaragan kishini hayratda qoldiradi.
Bu yerda qandaydir muammo borligi aniq. Biz — Yevropa Ittifoqi bu masala bo‘yicha o‘z tajribamiz bilan bo‘lishishimiz mumkin.
Xabaringiz bo‘lsa, Yevropa Ittifoqini yaratishda biz dastavval hudud mamlakatlari orasda hamkorlikni kuchaytirganmiz, keyin esa uning asosida umumiy bozor yaratilgan. Undan keyin esa barcha uchun yagona standartlar va muammolarni hal qilishning umumiy uslublarini joriy qilganmiz.
Albatta, biz YeI modelini eksport qilmoqchi emasmiz, lekin o‘z tajribamiz bilan bo‘lishishga tayyormiz, kerak bo‘lsa texnik yordam ham ko‘rsatishimiz mumkin. Bu hudud uchun foydali bo‘lishi va kelajakda kattaroq natijalarga erishish mumkin. O‘rta Osiyoda buning uchun ulkan imkoniyatlar bor.
Men yana takror aytaman, YaIMining faqat 5% hududiy mamlakatlar bilan savdo-sotiqqa to‘g‘ri kelishi — bu juda kichik ko‘rsatgich. Shuning uchun kelinglar birga ishlaylik. Biz o‘z tajribamiz bilan baham ko‘rishishga tayyormiz. Biz shuni aniq bilamizki, umumiy iqtisodiy faollik hajmi ko‘payganda, hududda ko‘proq tinchlik, barqarorlik va har bir mamlakat uchun ko‘proq suverenitet paydo bo‘ladi, — dedi Manservizi.
Intervyuning to‘liq matnini nuz.uz sahifasidan o‘qishingiz mumkin.
