TOShKENT, 19-iyul — Sputnik. "Rosatom" davlat korporatsiyasi Markaziy Osiyo mamlakatlariga o‘z mini-GESlarini yetkazib berishga tayyor. Hozirda qator taxminiy loyihalar ishlab chiqilmoqda, deb xabar berdi RIA Novosti "Atomenergomash" kompaniyasining (Rosatom tarkibiga kiradi) xalqaro faoliyat bo‘yicha direktori Roman Murashovga asoslanib.
"Biz dastlabki marketing tadqiqotlarini o‘tkazdik. Markaziy Osiyoga 100-150 atrofida ana shunday qurilmalar yetkazib berish salohiyati mavjud", — dedi Murashov Ostonadagi "EKSPO-2017" doirasida o‘tayotgan Rossiya atom texnologiyalari haftaligida.
Murashov Rosatom O‘zbekiston, Qozog‘iston, Tojikiston va Qirg‘izistonga yetkazib berish imkoniyatlarini ishlab chiqayotganligini bildirdi.
Qayta tiklanuvchi energiya, jumladan mini-GESlar Rosatomning noyadroviy faoliyat yo‘nalishlaridan biri hisoblanadi. Mini-GESlarning asosiy afzalliklari ishlab chiqariladigan energiya tannarxining arzonligi, qurilmani qisqa muddatda yetkazib berish, oson va tez muddatlarda qurilishidir.
O‘zbekistonda yaqin besh yil ichida 42ta gidroelektrostansiyalarni qurib ishga tushirish rejalashtirilgan. Bundan tashqari, respublikadagi mavjud quvvatlar modernizatsiya qilinadi. Hozirda gidroelektrostansiyalar ulushi elektrostansiyalar umumiy hajmining 15%ini tashkil etadi.
