TOShKENT, 20-iyul — Sputnik. Ar-Riyod politsiyasi Saudiya Arabistoni qirollik sulolasi shahzodasini qirol Salmon buyrug‘iga binoan hibsga oldi, deb xabar berdi Al-Ekhbariya telekanali.
Ilgariroq uning odamlarga, xususan ayollarga hujum qilgani tasvirlangan videolavha va fotosuratlar ijtimoiy tarmoqlarda tarqalgandi.
"Qirol Salmon bin Abdulaziz Al Saud shahzoda Saud bin Abdul-Aziz bin Musaidni zudlik bilan hibsga olish haqida farmon berdi va uni hamda sharmandali videolavhalarda u bilan birga tasvirlangan barchani qamashni buyurdi", — deb ma’lum qildi telekanal.
Ar-Riyod politsiyasi shahzodani videolavha paydo bo‘lganidan bir oz o‘tib qo‘lga oldi, uning qo‘lga olinish lavhasini Eremnews portali joylashtirdi, deb yozadi RIA Novosti.
