O‘zLiDeP chekka hududlarda sariq rangdagi taksilardan voz kechishni taklif qildi

TOShKENT, 20-iyul — Sputnik. O‘zbekiston Liberal-demokratik partiyasi (O‘zLiDeP) olis tumanlar uchun taksi litsenziyasini rasmiylashtirish tartibini soddalashtirish kerak taklifni ilgari surdi, deb xabar qilmoqda Sputnik O‘zbekiston muxbiri.

O‘zLiDePning O‘zbekiston Respublikasi Oliy Majlisi Qonunchilik palatasidagi fraksiyasi deputati Abdurashid Abduqodirovning so‘zlariga ko‘ra, band aholining 30%i bugungi kunda rasman ishlamaydi. Buning sababi ishga joylashish jarayonining o‘ta murakkabligi, turli burokratik qog‘ozbozliklarning urchib ketganidir.

"Misol uchun, nima uchun taksichilarning ma’lum bir qismi bugun rasman o‘rnatilgan tartibda ro‘yxatdan o‘tishmaydi? Biz bu masalani o‘rgandik va masala mohiyati mashina rangini o‘zgartirish kerakligi, raqam, qo‘shimcha to‘lanishi lozim bo‘lgan 2 million so‘mga yaqin ssudaga borib taqalishini aniqladik. Va bularning hammasi mehnat faoliyatini amalga oshirishdan oldin, ya’ni hali hech qanday daromadga ega bo‘lmasdan turib qilinishi lozim bo‘lgan harajatlar ekan.

Agar rasmiylashtirish mexanizmini soddalashtirilsa, unda noqonuniy taksichilarning aksariyati, albatta, soyadan chiqadi", — deb aytgan deputat xalqaro press-klub yig‘ilishi davomida.