Telefon va shpargalka olib kirishga uringan abituriyentlar imtihonga kiritilmaydi

© FacebookVstupitelnie ekzameni v Universitet Inxa v Tashkente
Vstupitelnie ekzameni v Universitet Inxa v Tashkente - Sputnik O‘zbekiston
Obuna bo‘lish
Bu yil har bir abituriyentdan poyabzalini yechishi so‘raladi va poyabzal poshnasiga bolg‘a bilan urib tekshiriladi

TOShKENT, 27-iyul — Sputnik. Samarqanddagi oliy o‘quv yurtlaridagi 7014 o‘ringa 63 ming abituriyent hujjat topshirgan. Bakalavriat uchun ajratilgan bir o‘ringa 9 abituriyent da’vogarlik qilmoqda. Samarqandda oliygohlar rektorlari ishtirokida bo‘lib o‘tgan matbuot anjumanida ana shu va boshqa raqamlar tilga olindi. Bu haqda "Novosti Uzbekistana" yozmoqda.

Natsionalniy universitet Uzbekistana imeni Mirzo Ulugbeka - Sputnik O‘zbekiston
O‘zbekiston Milliy universitetida soxta abituriyentlar aniqlandi

Viloyat hokimi o‘rinbosari Azamat Umarovning aytishicha, bu yilgi test sinovlari boshqacha tarzda o‘tkaziladi va bu o‘zgarishlar haqida abituriyentlar va ularning ota-onalarini xabardor qilish lozim.

Bu yil test sinovlari o‘tkaziladigan har bir auditoriyada kuzatuvchi sifatida o‘sha oliy o‘quv yurti vakili va chetdan yana bir kuzatuvchi – maktab, akademik litsey yoki kasb-hunar kolleji o‘qituvchisi qatnashadi.

A.Umarovning aytishicha, test sinovlari bo‘lib o‘tadigan binoga uyali telefon yoki boshqa aloqa vositalari hamda shpargalka olib kirishga uringan abituriyentlar imtihondan chetlashtiriladi. Bu O‘zbekiston Respublikasi oliy o‘quv muassasalariga bakalavriatga talabalarni qabul qilishda test sinovlarini o‘tkazish bo‘yicha nizomning 88-bandida ko‘rsatib o‘tilgan.

Podstavnie abituriyenti v TUIT - Sputnik O‘zbekiston
TATUda test sinovlariga kirmoqchi bo‘lgan soxta abituriyentlar qo‘lga tushdi

Bu yil abituriyent test sinovi o‘tkazilgan binoni soat 12dan ilgari tark etmaydi. Bu qoida ayrim "bilimdon"larning faoliyatiga chek qo‘yish maqsadida joriy etildi. Ma’lum bo‘lishicha, ayrimlar o‘quv yurtiga hujjat topshirib, imtihon kuni test savollarini telefoni orqali suratga olgan va xonani tark etgan. Telefonni esa uni tashqarida kutib turgan shaxsga bergan. Bu shaxs test savollarini yechib, xonada imtihon topshirayotgan abituriyentga telefon orqali javoblarni yetkazib bergan.

Ayrim "ixtirochi" abituriyentlar esa poyabzali poshnasiga telefon yashirishgan. Bu yil har bir abituriyentdan poyabzalini yechishi so‘raladi va poyabzal poshnasiga bolg‘a bilan urib tekshiriladi.

Yangiliklar lentasi
0