TOShKENT, 13 avg — Sputnik. AQShning Virginiya shtati politsiyasi Sharlottsville shahrida millatchilik tarafdorlari va qarshilari namoyishlaridan keyin uch kishini hibsga oldi, deb xabar qilmoqda RIA Novosti.
Politsiya xabariga ko‘ra, namoyish vaqtida Ohayyo shtatining 20 yoshli fuqarosi yengil avtomobilni katta tezlikda namoyishchilar ustiga yo‘naltirgan. Oqibatda bir kishi qurbon bo‘lgan 34 kishi tan jarohati olgan.VIDEO: Car slams into group of people during protests in Charlottesville, Virginia; reports of serious injuries (Vid: Rebelutionary_Z) pic.twitter.com/Gf5qMf64u9
— BNO News (@BNONews) August 12, 2017Jinoyatni sodir etgan Djeyms Aleks Filds odam o‘ldirishda va tan jarohati yetkizishda ayblanmoqda.
James Alex Fields, Jr. 20, of Ohio, has been charged in the fatal wreck in Charlottesville, Va. https://t.co/wOgB4b0Tvt pic.twitter.com/SAQldyFEez
— CBS News (@CBSNews) August 13, 2017
Ushbu voqeadan ikki soat o‘tib shahar G‘arbida politsiya vertoloti qulab tushib ikki nafar politsiyachi qurbon bo‘lgan.
Eslatib o‘tamiz, bundan bir necha kun oldin Sharlottsville shahri ma’muriyati shahardagi "Emansipatsiya bog‘i"dan Konfederatsiya armiyasi generali Robert Edvard Lining haykalini olib tashlamoqchi bo‘lgan. Bunga shahardagi millatchi tashkilotlar vakillari qarshi chiqib, tunda mash’alali namoyish o‘tkazishgan.
Ustiga ustak boshqa shtatlardan ham "Ku-klus-klan" va neonatsist tashkilot vakillari shaharga oqib kela boshlagan edi.Ayni damda Sharlottsvilleda 2 mingdan 6 minggacha "ultra o‘ng" qarashlarga ega bo‘lgan fuqarolar to‘plangan. Shundan so‘ng Sharlottsville hukumati shaharda favqulodda vaziyat e’lon qilgan va kommendant soati kiritishga majbur bo‘lgan.
