TOShKENT, 14 avg — Sputnik. Davlat maktabgacha ta’lim muassasasiga 3 yoshdan 7 yoshgacha bo‘lgan bolalar qabul qilinadi. Bu Vazirlar Mahkamasining 19-iyuldagi "Maktabgacha ta’lim muassasalarining faoliyatini takomillashtirish to‘g‘risida" qarorida belgilangan.
Davlat maktabgacha ta’lim muassasalariga 3 yoshdan 7 yoshgacha bo‘lgan bolalar qabul qilinadilar. Hozirga qadar maktabgacha ta’lim muassasalariga qabul qilish 2-6 yoshni tashkil qilgan, alohida holatlarda 7 yoshgacha qatnashga ruxsat berilgan edi.
Davlat maktabgacha ta’lim muassasasining maqsadi:
bolalarni har tomonlama intellektual, axloqiy, estetik va jismoniy rivojlantirish;
ta’lim-tarbiya berish orqali bolalarni maktab ta’limiga sifatli tayyorlash;
bolalarni maktabgacha ta’lim bilan qamrab olish hisoblanadi.
Davlat maktabgacha ta’lim muassasasining ish tartibi va bolalarning ushbu muassasada bo‘lish vaqti davlat maktabgacha ta’lim muassasasining ustavi va muassisning qarori bilan belgilanadi.
Davlat maktabgacha ta’lim muassasasida besh kunlik ish haftasi uchun, qoida tariqasida, 12 soatli, 10,5 soatli, 9 soatli va 4 soatli ish tartibi joriy etiladi.
Davlat maktabgacha ta’lim muassasasi joylashgan hududda yashaydigan aholi talablaridan kelib chiqib, davlat maktabgacha ta’lim muassasasida (yoki alohida guruhi) 6 kunlik ish haftasi ham joriy etilishi mumkin.
Davlat maktabgacha ta’lim muassasasiga 3 yoshdan 7 yoshgacha bo‘lgan bolalar qabul qilinadilar. Hozirga qadar maktabgacha ta’lim muassasalariga qabul qilish 2-6 yoshni tashkil qilgan, alohida holatlarda 7 yoshgacha qatnashga ruxsat berilgan edi.
Davlat maktabgacha ta’lim muassasasining har bir guruhidagi bola soni meyori kamida 20 nafar bo‘lishi, biroq 25 nafardan ortiq bo‘lmasligi lozim.
Davlat maktabgacha ta’lim muassasasida o‘quv yili har yili 2-sentabrdan boshlanadi, keyingi yilning 1-iyunida tugallanadi va yangi o‘quv yili boshlangunga qadar sog‘lomlashtirish davri davom ettiriladi.
