Jamiyat

Test javobi: askar boʻlmay talabalikni orzu qilma

© PixabayKvadratnaya akademicheskaya shapochka
Kvadratnaya akademicheskaya shapochka - Sputnik Oʻzbekiston
Taʼlim tizimining eng asosiy vazifasi – qobiliyatli yoshlarini tanlab olib, ularni oʻz sohalarining yetuk mutaxassislari qilib tayyorlash.

TOSHKENT, 15 avg — Sputnik, Behzod Mavlon. Bugun Oʻzbekistonda oliy oʻquv yurtlariga kirish imtihonlari natijalari eʼlon qilindi. Odatda, bu ayrimlar uchun quvonchli boshqalar uchun qaygʻuli kun boʻlardi. Bu safar Toshkent Yuridik universiteti, Diplomatiya universiteti va yana bir necha OTMlarda test javoblari taajjubli boʻldi desak adashmaymiz.

Toshkent Yuridik Universitetiga kirgan talabalarning dastlabki 50 tasidan 48 nafari harbiy imtiyoz uchun qoʻshimcha berilgan ball evaziga oʻqishga kirgan. Oʻz kuchi bilan, har bir fandan 35-36 ta  savolga toʻgʻri javob bergan abituriyentlar esa, roʻyxatning 45-48 oʻrinlariga, toʻlov-kontrakt guruhiga toʻgʻri kelgan.

Prinyatiye voyennoy prisyagi - Sputnik Oʻzbekiston
Jamiyat
Oʻzbekiston oliy harbiy taʼlim muassasalarida test sinovlari boʻlib oʻtdi

Diplomatiya universiteti Yevropa guruhida rus tilidan bor yoʻgʻi 11ta savolga toʻgʻri javob berib 25tasiga notoʻgʻri javob bergan talaba tepadan uchinchi qatorni egallab, byudjetga kirgan. Savollarning 33-36 tasiga toʻgʻri javob bergan talaba esa roʻyxatning pastki qatorlaridan joy olgan.   

Oʻz-oʻzidan savol tugʻiladi, shuncha odamni ovora qilib, test sinovi oʻtkazishdan maqsad nima edi oʻzi? Hamma oʻrin harbiy imtiyozi borlarga berilsa, qobiliyatli yoshlar hayotning birinchi zinapoyasidan oʻta olmasa, kelajak nima boʻladi?

Har doim ham imtiyozlar boʻlgan, lekin ular istisno tariqasida 5-10% talabalarga berilgan. Imtiyozlar – istisno emas qoidaga aylanib qolishi oliy taʼlim tizimini oʻzgartirib yuboradi.

Bundan buyon institutga kirish uchun abituriyentlar armiyaga boradigan boʻladi. Oʻqish jarayonidan bir yil uzilish boʻladi va oqibatda ulardan na yaxshi askar na yaxshi talaba chiqadi.

Studentы v auditorii v Tashkente - Sputnik Oʻzbekiston
Jamiyat
Prezident oliy taʼlim muassasalariga qabul qilish toʻgʻrisidagi qarorni imzoladi

Hammasi mayli ediku-ya, bir necha yil davomida oʻqib tayyorlangan, oʻz bilimi bilan 97 %  savolga toʻgʻri javob bergan abituriyentlarga nisbatan ushbu holat nohaqlik boʻldi.

Bizga oliy maʼlumotli qizlar kerak emasmi?

Bugun rivojlangan mamlakatlarda erkak va ayollar huquqlari teng ekanligiga hech kim shubha qilmasa kerak. Oʻzbekiston ham zamonga mos ravishda rivojlanish yoʻlidan borib ayollarga kundan kunga koʻproq imkoniyat ochib berilmoqda.

Harbiy xizmat imtiyozlari faqat oʻgʻil bolalarga beriladi. Demak faqat oʻgʻil bolalar oʻqishga kirishda bunday imtiyozlardan foydalanishlari mumkin. Qizlarchi? Ular qayerda “xizmat” qilsin? Bizga oliy maʼlumotli qizlar kerak emasmi? Ularning konstitutsion huquqlarining poymol boʻlayotgani-chi? 

Oliy taʼlim tizimimi yoki pul ishlash tizimi?

Iqtisod
Davlat byudjeti daromadi: qayerdan kelib qayerga ketmoqda

Ochiq maʼlumotlarda aytilishiga koʻra, Oʻzbekistonda yildan-yilga byudjet asosida qabul qilinadigan talabalar soni kamayib toʻlov-kontrakt asosida oʻqishga qabul qilinayotganlar soni ortib bormoqda. Bir tomondan bu yaxshi albatta – davlat byudjeti tejab qolinadi, OTMlar ham oʻzini-oʻzi boqishi mumkin boʻladi. Lekin shunday tizim evaziga bir minglab qobiliyatli, lekin kontraktga toʻlash uchun puli yetmayotgan yoshlarni boy berib qoʻymaymizmi? 

Oliy taʼlim nimaga bepul boʻlishi kerak  

Bepul oliy taʼlim tizimi aslida nima uchun kerak?

Xudo insonning choʻntagiga qarab aql yoki talant bermaydi. Kambagʻal, oʻqishga  puli yetmaydigan kishi ham oʻtkir aql va zoʻr qobiliyat bilan tugʻilishi mumkin. Bepul taʼlim tizimining vazifasi esa esa, puli yoki imtiyoziga qaramasdan, har sohada qobiliyatli kishilarni tanlab olib, ularga jamiyatda oʻz oʻrnini topishga yordam berishdir. Qobiliyatli yoshlar oʻz oʻrnini topganidan soʻng, uzlari yaratgan yangiliklari va ixtirolari bilan davlat va jamiyatni olgʻa yetaklaydi.

Studentы v auditorii v Tashkente - Sputnik Oʻzbekiston
Jamiyat
Oʻzbekistondagi 15ta oliy oʻquv yurtida maxsus sirtqi boʻlimlar tashkil etiladi

Yaqinda Oʻzbekiston  davlat byudjetiga mablagʻlar qayerdan kelib qayerga ketayotgani haqida maʼlumotlar eʼlon qilingan edi. U yerda aytilishiga koʻra Davlat byudjetining eng katta qismi —  maorif tizimi uchun sarflanar ekan. Xoʻsh, shunday ekan, nima sababdan Oʻzbekiston oliy taʼlim maskanlarida har bir fakultetda bor yoʻgʻi 3-5-10 tadan byudjet oʻrinlari mavjud?

Ushbu vaziyat amerikaning xususiy oliygohlaridagi oʻrin berishga oʻxshaydi. U yerda har bir fakultetda faqat 1yoki 2 nafar talabaga bepul oʻqish imkoni beriladi. Qolganlar pul toʻlab oʻqiydi, lekin ular xususiy tashkilot! Ularning asosiy maqsadi daromad olish. Oʻzbekistonda esa OTMlar davlatga qarashli-ku?!

Rivojlanish siri nimada?

Javob: Har sohada qobiliyatli insonlarni topib, ularni joy-joyiga qoʻyib chiqishda!

Studentы v meditsinskom vuze - Sputnik Oʻzbekiston
Jamiyat
Oʻzbekistondagi oliy oʻquv yurtlari 5 ballik baholash tizimiga oʻtishi mumkin

Har bir inson tugʻilganda Olloh Taollo unga maʼlum bir xususiyat, qobiliyat beradi. Rivojlangan mamlakatlarda inson oʻsib ulgʻayganidan soʻng oʻz qobiliyatlarini kerakli joyda samarali ishlatish uchun imkoniyat bor, boshqa joylarda esa buni amalga oshirish murakkab yoki mutlaq iloji yoʻq. 

Aynan shu sababli barcha yangi ixtirolar, eng zamonaviy texnologiyalar, mahsulotlar AQSH, Yevropa yoki Osiyoning rivojlangan mamlakatlarida yaratilmoqda. Chunki u yerda qobiliyatli injenerlar, olimlar oʻz joylarida oʻz kasbi bilan shugʻullanishi uchun imkoniyat va sharoit yaratilgan.

Taʼlim tizimining eng asosiy vazifasi – qobiliyatli yoshlarini tanlab olib, ularni oʻz sohalarining yetuk mutaxassislari qilib tayyorlash. Ushbu nuqtai nazardan qaralganda, bugungi test sinovi natijalari talabga javob beradimi?

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala