TOShKENT, 18-avgust — Sputnik. 17-avgust kuni Kataloniyada (Ispaniya) yuz bergan teraktlar oqibatida qurbon bo‘lganlar va jarohatlanganlar orasida O‘zbekiston fuqarolari yo‘q. Bu haqda O‘zbekistonning Madrid shahridagi elchixonasi ma’lumotiga tayanib O‘zbekiston Tashqi ishlar vazirligi xabar qildi.
Vazirlikning bildirishicha, elchixona Ispaniya Tashqi ishlar vazirligi va boshqa davlat tashkilotlari bilan doimiy aloqada bo‘lib turibdi.
Eslatib o‘tamiz,payshanbadan jumaga o‘tar kechasi Ispaniyaning ikki shahrida terrorchilik harakatlari sodir etildi. Avvaliga Barselonada furgon odamlar ustiga bostirib bordi, so‘ngra Kambrils shahrida noma’lum kishilar yo‘lovchilarga hujum uyushtirishdi.
Teraktlar oqibatida jami 13 kishi halok bo‘ldi, yuzdan ortiq kishi jarohatlandi.
