"O‘zbekiston havo yullari" 2018-yildan boshlab o‘z uchuvchilarini tayyorlay boshlaydi

© SputnikPilot-instruktor letnogo otrada Boeing 787 Aleksey Markin
Pilot-instruktor letnogo otrada Boeing 787 Aleksey Markin - Sputnik O‘zbekiston
Obuna bo‘lish
Yangi uchuvchilar oliy texnik bilimga ega bo‘lgan aviatsiya personali orasidan tanlab olinadi. Parvozlar soni va yo‘nalishlari kengayishi munosabati bilan, aviakompaniya hech kim ishsiz qolmasligini va’da bermoqda.

TOShKENT, 19 avg — Sputnik. "O‘zbekiston havo yullari" milliy aviakompaniyasi o‘z uchuvchilarini 2018-yilning ikkinchi yarmidan boshlab tayyorlay boshlaydi, deb xabar qilmoqda Sputnik muxbiri.

Iyul oyining oxirida Vazirlar Mahkamasi tomonidan Milliy aviakompaniya oldida o‘z uchuvchilarini xalqaro standartlarga mos ravishda tayyorlash vazifasi qo‘yilgan edi. Qarorda aytilishiga ko‘ra, aviakompaniya oliy ma’lumotga ega bo‘lgan aviatsiya texnik personli orasidan kadrlar tanlab olib ulardan ikki yil davomida MAKning O‘quv-mashq markazida fuqaro aviatsiyasi uchuvchilari tayyorlashi kerak edi.

Il-114 yo‘lovchi samolyoti - Sputnik O‘zbekiston
O‘zbekiston Rossiyaga Il-114 samolyotlari uchun uchuvchilar tayyorlashga yordam beradi

Kompaniya vakili aytishiga qaraganda, tanlov aviakompaniya ehtiyojlariga qarab amalga oshiriladi, birinchi uchuvchilar guruhida 12nafardan  16 nafargacha uchuvchilar tayyorlanadi.

"Menimcha kelasi yilning bahori oxirlarida va yozning boshlarida tanlov bo‘lib o‘tadi. Hozir bo‘lajak uchuvchilarning yosh cheklovlari, sog‘liq holati kabi tanlov shartlari haqida hujjat tayyorlanmoqda. Uni MAKning kadrlar boshqarmasi tayyorlamoqda", — dedi kompaniya vakili.

"O‘zbekiston havo yo‘llari" vakili parvozlar sonining oshishi va yo‘nalishlar kengayishi munosabati bilan, o‘qishni tamomlagan har bir uchuvchi ish bilan ta’minlanishiga ishonch bildirdi.  

"Qaror chiqqaniga bir oydan kam vaqt o‘tdi, lekin biz allaqachon katta ishlarni amalga oshirdik. Oktabrda Davlat aviatsiya nazorati bizni sertifikatsiya qilishi kerak. O‘qituvchilar tarkibi allaqachon aniqlangan. Ular konspektlarini tayyorlashmoqda, biz esa texnik jihozlar sotib olmoqdamiz. Bizning o‘quv xonalarimiz eng zamonaviy kompyuter texnikasi va boshqa jihozlar bilan ta’minlanmoqda. O‘quv markazida 30 nafar o‘qituvchi ishlaydi. Ular 15ta fandan dars berishadi, ya’ni har bir fandan ikki nafar o‘qituvchi bo‘ladi", — dedi suhbatdosh.

Zanyatiya na trenajere dlya pilotov - Sputnik O‘zbekiston
O‘zbekistonda ilk bor fuqarolik aviatsiyasi uchuvchilari tayyorlanadi

Fuqaro uchuvchilari tayyorlash kurslariga ham nazariy ham amaliy o‘quv-mashg‘ulotlari kiritilgan. Tanlov oliy texnik o‘quv yurtlari bitiruvchilari orasidan amalga oshiriladi. O‘quv jarayoni mutaxassislik bo‘yicha kerakli fanlardan iborat bo‘ladi, umumiy ta’lim fanlari kiritilmaydi.  

Oldin, O‘zbekiston havo yo‘llari uchuvchilari nazariy bilimlarni Sankt-Peterburgdagi Davlat fuqaro aviatsiyasi universitetida, amaliy mashg‘ulotlarni esa MAKning Toshketdagi O‘quv-mashq markazida olar edilar.

Yangiliklar lentasi
0