TOShKENT, 24-avgust — Sputnik. Toshkent shahrida yashovchi ayol o‘z nabirasini ming dollarga sotishga urindi, deb xabar berdi poytaxt IIBB axborot xizmati.
Toshkent shahar ichki ishlar bosh boshqarmasiga U. Yalgasheva murojaat qilib, Shahodat ismli ayol qizi homiladorligini, tug‘iladigan chaqaloqni sotish niyatlari bor ekanligini aytganini bildirib, mazkur shaxslarga nisbatan qonuniy chora ko‘rishni so‘ragan.
Ular Olmazor tumani Farobiy ko‘chasida joylashgan "Makro" supermarketi avtoturargohida chaqaloqni sotgan vaqtlarida ashyoviy dalil bilan ushlanganlar.
"Mazkur holat yuzasidan Sh.Sattorova va Z.Jo‘raqulovalarga nisbatan jinoyat ishi qo‘zg‘atilgan", — deyiladi xabarda.
Ularga O‘zbekiston Respublikasi Jinoyat kodeksining 135-moddasi 3-qismi "a" bandi (odam savdosi) bilan ayblov e’lon qilindi. Ayblanuvchilarga nisbatan "qamoqqa olish" tarzidagi ehtiyot chorasi tanlangan.
