Gaz va elektr energiya nazorat tizimi Yevropa kompaniyalari tomonidan avtomatlashtiriladi

© Sputnik / Maksim Bogodvid / Mediabankka o‘tishSchetchik gaza
Schetchik gaza - Sputnik O‘zbekiston
Obuna bo‘lish
Yevropa kompaniyalari respublikada o‘rnatilgan gaz va elektr energiya hisoblagichlarini o‘rganib chiqilib, ularni to‘liq avtomatlashtirish choralarini ko‘rishadi. Bundan tashqari, yevropalik sheriklar bilan hisoblagichlarni ishlab chiqarishni yo‘lga qo‘yish rejalashtirilmoqda

TOShKENT, 25 avg — Sputnik. O‘zbekiston hukumati elektr va gaz tarmoqlarini avtomatlashtirilgan boshqaruv tizimiga o‘tish bo‘yicha keng qamrovli dasturni amalga oshiradigan xorijiy kompaniyalar ro‘yxatini tasdiqladi, deb xabar qildi Sputnik O‘zbekiston muxbiri.

Elektricheskaya podstansiya - Sputnik O‘zbekiston
O‘zbekiston Qirg‘izistondan arzon elektr energiyasi sotib olmoqda

Yaqinda gaz va elektr energiyani hisobga olish va nazorat qilish avtomatlashtirilgan tizimlarni joriy etish bo‘yicha takliflarni tayyorlash bo‘yicha tuzilgan Ishchi komissiya a’zolari Singapur, Janubiy Koreya, Fransiya va Germaniya yirik korxonalarga tashrif buyurishdi.

O‘zbekiston mutaxassislari bu sohadagi avtomatlashtirilgan tizimlarni joriy etish tajribasi bilan yaqindan tanishdilar.

Natijada prezident farmoyishi bilan O‘zbekistonda gaz va elektr energiyasini hisobga olish va nazorat qilish avtomatlashtirilgan tizimlarni tatbiq etish bo‘yicha 3 ta xorijiy kompaniya tasdiqlandi. Jumladan, respublikaga tashrif buyurish va muzokaralar o‘tkazish haqida takliflar Sagemcom (Fransiya), Landis & Gyr (Shvetsariya) va Elster Metronica (Germaniya) kompaniyalarga yuborildi.

Issiqlik stansiyasi - Sputnik O‘zbekiston
Fransiya kompaniyasi Sirdaryoda yangi IES quradi
Xorijiy sheriklarga birinchi navbatda respublikada o‘rnatilgan hisoblagich va tizimlarni, shuningdek elektr uzatgich va transformatorlarni, gazni tarqatish tizimini va infratuzilmani hamkorlikda batafsil o‘rganib chiqish bo‘yicha taklif berildi.

O‘zbekiston hukumati zamonaviy hisoblagich va jihozlarni yetkazib berish bo‘yicha shartnomalarni tuzishga tayyor.

Shuningdek, mamlakatda zamonaviy hisoblagich va jihozlarni ishlab chiqarish bo‘yicha qo‘shma korxonalarni ochish masalasini muhokama qilish rejalashtirilgan. Shu bilan birga, muzokaralarda hisoblagichlarga tizimli xizmat ko‘rsatish yuzasidan ikki tomonlama bitimlarni tuzish ko‘zda tutilgan.

Loyihalarni moliyalashtirish nafaqat davlat korxonalarining mablag‘larini sarflash, balki xalqaro moliyaviy institutlarining kreditlarini jalb etish ham rejalashtirilgan.

Zamena starix elektroschetchikov v jilix domax Vladivostoka - Sputnik O‘zbekiston
MIB 9 mingdan ortiq qarzdorlarni elektr va gaz ta’minotidan uzdi
Respublika butun hududida gaz va elektr energiyani hisobga olish va nazorat qilish avtomatlashtirilgan tizimini tatbiq etish bo‘yicha yakuniy prezident qarori shaklidagi hujjat sentabr oyida tayyor bo‘lishi kerak.

Eslatib o‘tamiz, O‘zbekistonda kelgusi bir necha yillar davomida Osiyo, Butunjahon va Islom taraqqiyot banklari tomonidan 6 mln hisoblagichlar o‘rnatish hamda iste’molchilar va yagona billing tizimlarini yaratish rejalashtirilgan. Loyihaning umumiy qiymati 800 mln dollardan ortiq mablag‘ni tashkil etadi.

Gazni taqsimlash tarmog‘ida ham bunday tizimni yaratish ishlariga 800-900 mln dollar mablag‘ zarur bo‘ladi. Respublikada 3 mln donadan ortiq hisoblagichlar o‘rganish rejalashtirilgan.

Yangiliklar lentasi
0