Jamiyat

Oʻzbekiston maktablarida bir necha smenali oʻqish joriy etiladi

Smenali oʻqish 10-11 yillik taʼlim joriy qilinishi munosabati bilan maktablarda sinflar yetishmasligi tufayli yuzaga kelgan

TOSHKENT, 25 avg — Sputnik. Oʻzbekiston umumtaʼlim maktablarda smenali taʼlim joriy etiladi, bu haqda Xalq taʼlimi vaziri Ulugʻbek Inoyatov maʼlum qildi.

Shkola, v kotoroy uchilsya Islam Karimov - Sputnik Oʻzbekiston
Siyosat
Oʻzbekistonda yangi turdagi maktablar ishga tushiriladi

Vazirning soʻzlariga koʻra, bunday chora-tadbir 10-11 yillik taʼlim joriy qilinishi munosabati bilan maktablarda sinflar yetishmasligi tufayli yuzaga kelgan.

"Taʼlim tizimiga 10-chi sinflarni joriy etish ayrim oʻziga xos xususiyatlarni keltirib chiqaradi. Ular boʻyicha ish olib borishimiz kerak boʻladi. Oʻquvchilar uchun sinflarning yetishmasligini oldini olish maqsadida smenali taʼlimga oʻtamiz. Bundan tashqari, maktablarga qoʻshimcha binolarni barpo etish masalasi ham koʻrib chiqilmoqda", — degan Inoyatov.

Inoyatovning aytishicha, oʻquvchilarni sinflarga taqsimlash yagona muammo emas. Yana bir muhim masalalardan biri bu oʻquvchilarning mutaxassislik yoʻnalishidir. Buning uchun yangi oʻquv yilidan 10-chi sinf oʻquvchilariga umumiy fanlardan tashqari, haftada bir marta mutaxassislik boʻyicha darslar oʻtkaziladi.

Uchitel raspakovыvayet pribor v odnom iz klassov shkolы - Sputnik Oʻzbekiston
Jamiyat
Xalq taʼlimi vazirligi maktabdagi pul yigʻishlarga qarshi kurash olib bormoqda
"Bu nima uchun qilinyapti? Bu institutga kira olmagan oʻquvchilar hayotda oʻzlariga munosib boʻlgan joy, ishga kirishi uchun qilinmoqda", — deb taʼkidladi Inoyatov.

Taʼkidlab oʻtish kerakki, bugungi kunda respublikada 10-chi sinflarda oʻqituvchilar bilan taʼminlash masalasi ham hal etilgan. Maktablarga 22 ming nafar oʻqituvchi kerakligi hisoblangan. Ulardan 9,5 ming nafari oliygohlarning "pedagogika" yoʻnalishi bituruvchilaridan qabul qilinadi. Buning uchun Xalq taʼlimi vazirligi hokimliklar va tegishli oliygohlar bilan shartnomalar imzolangan. Qolgan 13,5 ming nafar oʻqituvchilar avvalgi litsey va kollejlarda ishlagan oʻqituvchilar boʻladi.

Oʻzbekistonda 10-11 yillik taʼlimni joriy etish uchun xorijiy mamlakatlarning tajribasini oʻrganishga toʻgʻri keldi. Buning natijasida 10 sinflar uchun 12 ta fan boʻyicha 18 ta oʻquv darsliklar joriy etildi. Shu bilan birga, xalqaro standartlarga javob beradigan yuqori sinf oʻquvchilari uchun maxsus dastur va darsliklar maketlari tayyorlandi. Bugungi kunda 10-sinf oʻquvchilari uchun 18 mln nusxada darsliklar chop etildi.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala