Innovatsiya markazi buyurtmalar qabul qilishni boshladi

© Sputnik / Aleksey Kudenko / Mediabankka o‘tishV sexe sborki zavoda kompanii Samsung Electronics
V sexe sborki zavoda kompanii Samsung Electronics - Sputnik O‘zbekiston
Obuna bo‘lish
Innovatsiya markazining asosiy maqsadi AKT sohasida ishlab chiqarish, ta’lim va ilm-fan integratsiyasini chuqurlashtirish, shuningdek, iqtisodiyotning yuqori texnologik sohalari rivoji uchun qulay sharoitlarni yaratishdir

TOShKENT, 26 avg — Sputnik. Axborot texnologiyalarini ishlab chiqish va joriy qilishni qo‘llab-quvvatlash bo‘yicha "Mirzo Ulugbek Innovation Center" Innovatsiya markazi 25-avgustdan buyurtmalar qabul qila boshladi hamda o‘zining rasmiy saytini ishga tushirdi.

Ma’lum qilinishicha, buyurtmalar onlayn rejimda markaz rasmiy sayti orqali, shuningdek, shaxsan yoki pochta aloqasi orqali ham qabul qilinadi.

Geymeri - Sputnik O‘zbekiston
O‘zbekistonda Ulug‘bek nomidagi “silikon vodiysi” tashkil qilinadi

O‘zbekistonning qaysi hududida ro‘yxatdan o‘tganligidan qat’i nazar, barcha yuridik shaxslar Innovatsiya markazining rezidenti maqomini olishga nomzod bo‘lishlari mumkin.

Eslatib o‘tamiz, "Mirzo Ulugbek Innovation Center" Innovatsiya markazi O‘zbekiston prezidentining "Respublikada axborot texnologiyalari sohasini rivojlantirish uchun shart-sharoitlarni tubdan yaxshilash chora-tadbirlari to‘g‘risida"gi farmoniga asosan tashkil etilgan.

Innovatsiya markazining asosiy maqsadi AKT sohasida ishlab chiqarish, ta’lim va ilm-fan integratsiyasini chuqurlashtirish, shuningdek, iqtisodiyotning yuqori texnologik sohalari rivoji uchun qulay sharoitlarni yaratishdir.

Prezident farmoni bilan Innovatsiya markazi ishtirokchilariga bir qator imtiyoz va preferensiyalar taqdim etilgan. Jumladan, 2028-yilning 1-yanvariga qadar markaz rezidentlari soliq va majburiy to‘lovlardan ozod etildilar. Rezident ishchilar uchun daromadlar jismoniy shaxslarning daromadlaridan olinadigan qayd qilingan stavka bo‘yicha 7,5 foiz soliq undirilishi, Pensiya jamg‘armasiga 4,5 foiz stavka bo‘yicha sug‘urta badallari to‘lashlari ko‘zda tutilgan.

Yangiliklar lentasi
0