TOShKENT, 27 avg — Sputnik. O‘zbekiston mustaqilligining 26-yilligi arafasida O‘zbekiston yoshlar ittifoqining "Yoshlar press klubi" o‘z faoliyatini boshlaydi, deb xabar qildi o‘zining Feysbukdagi sahifasida Yoshlar Ittifoqi raisi Qahramon Quronboyev.
Xabarga ko‘ra, press klubda O‘zbekiston fuqarolarining taklif va istaklari asosida yoshlarga oid davlat siyosatining turli masalalari tegishli mutasaddi va mutaxassislar ishtirokida muhokama etiladi.
Dastlabki sessiya 2017-2018 o‘quv yiliga oliy ta’lim muassasalariga qabul jarayonlari, sohadagi muammolar hamda yechimini kutayotgan masalalarga bag‘ishlanadi.
"Sizda ushbu masalaga oid muammo va takliflaringiz bo‘lsa unda marhamat! Bizga savol yo‘llang!", — deb faol muloqotga chorlab qolgan Quronboyev.
